VOV4.M'nông: Gay [ư t^ng săk rnglay bôk nău rgop tâm nchră ntop kơl bu ur rdâk nsơm nău kan t^ng nău ntru\nh bah Chính phủ, Hội Liên hiệp bu ur Dak Lak le\ [ư âk bôk nău kan, rdâk njêng nău m^n rdâk nsơm nău kan m^n rklă bah bu ur ta [on lan. Bah aơ, âk nău m^n ueh le\ dơi [ư t^ng, ns^t tay săk rnglay, rgop tâm nău kan hun hao wa\ng sa ta [on lan.

            Saơ nău mât rong bah ăp rnăk ta xã hôm nchah nchrai, huêt jê|, ns^t geh wa\ng sa mô âk, năm 2015, yuh Lê Thị Thu Hương ta thôn 3, xã Ea Kmut, nkuâl Ea Kar, n’gor Dak Lak ho\ rgo\ jă âk oh yuh tâm thôn tâm rgop njêng Câu lạc bộ mât djăr deh tăp.

            Đah nău dơh geh lah Bác sĩ thú y, way hăn râng ăp jrô nti ndơ\ rgâl kỹ thuật tă bah Ntu\k rgum ntru\t nsôr tuch tăm mât rong nkuâl Ea Kar, n’gor Dak Lak [ư, jêng yuh Hương ho\ nt^m nti ăp nu^h kan tâm câu lạc bộ trong mât chăm, chuh n’gang vaccine mât kloh ue\h ndrung n’gar n’hanh njrăng n’gang nău ji t^ng di kỹ thuật, kơl djăr hao rơ\ jêng ue\h, deh tăp âk. Ăp yuh sơch ntil djăr rgu\t gay mât yor dơh mât chăm, geh soan dăng cho\l nău ji, tăp djăr âk nu^h u\ch do\ng sa đah rnoh khlay tăch ntơm bah 30 tât 35 rbăn prăk tâm jât mblâm tăp. A[aơ, đah ntu\k mât hvi 4000 mblâm djăr, ăp năm yuh Hương ns^t geh hang rhiăng rkeh prăk.

            Nu^h lăp kan tâm mpôl mât bôk câu lạc bộ ân hăn joi trong tăch luh đo\ng, nkre đah âk lò păn tăp, dơn yơng dah âk kon ntil an khân păng, nkre djăr nkre kik da. Yơn lah u\ch tâm rgop đah âk lò păn tăp ri nu^h mât djăr ân geh nău tă ơm g^t ân roh âk tơm prăk, ân geh prăk n’hanh nănh ntuh kơl, tâm ăp nu^h ân geh nău g^t tâm săk n’hanh rgâl trong m^n trong [ư ân m^n nsrôih hăn he [ư jê| mô geh sa ma ân [ư têh n’hanh ntuh kơl di rêng.

            Tơm luh djăr ntil ân sơch na nê|, rêng mât rong ân t^ng di kỹ thuật, tăp tăch luh geh rnoh khlay n’hanh đăp mpăn, Câu lạc bộ mât djăr deh tăp ta xã Ea Kmut, nkuâl Ea Kar nar lơn ma wăch rgum âk oh yuh bu ur tâm thôn tât râng. A[aơ, Câu lạc bộ geh 25 rnăk lăp kan nsum, đah rnoh âk mât rong ăp rnăk ntơm bah 1000 tât 4000 mblâm djăr, ăp nar pă an tăch nklăp 15.000 mblâm tăp. Yuh Nguyễn Thị Lịch an g^t, ntơm bah rnôk râng lăp câu lạc bộ, way dơi kơt nti, tâm ôp tâm rgâl nău tă ơm g^t kan mât chăm djăr, jêng ho\ nănh pơk hvi ntu\k mât djăr ntơm bah 100 mblâm hao tât 1.300 mblâm.

            Ntơm nơh gâp mô ho\ râng lăp câu lạc bộ ri geh mât yơn đêt jê| dơm. A[aơ râng lăp tâm câu lạc bộ ri mât pơk hvi tay n’hanh tơm luh tăp n’hanh tơm geh wa\ng sa đăp mpăn lơn đo\ng.

            Hôm đah wa Hoàng Thị Tình, ta khối 4, phường Thành Nhất, nkual [on têh Buôn Ma Thuột, n’gor Dak Lak, lôch rlong [ư âk trong mât rong, ho\ n’glêh an sơch trong tăm sêt gay ntơm njêng nău kan. Wa Tình an g^t, ma trong Chi hội bu ur, păng ho\ dơi an manh 30 rkeh prăk bah Ngân hàng chính sách xã hội gay ntuh kơl [ư jay tăm sêt, n’hanh rvăt ntil. A[aơ, jay tăm sêt bah wa Hoàng Thị Tình ăp khay tăch luh nklăp 2 tạ sêt ăp ntil n’hanh dơi jât kg sêt linh chi nklăm, ns^t tơm geh wăng sa rlău 100 rkeh prăk ăp năm.

            Ntơm nơh gâp mât rong ăp ntil, nkre mât be, rpai, djăr yơn rđ^l đah a[aơ rnôk rgâl [ư tăm sêt ri saơ ns^t geh wa\ng sa yor sêt lah du ntil biăp kloh pă an ntu\k tăch rgâl. Kơt sêt linh chi ri s^t ue\h an săk soan kon nu^h đo\ng ngêt lăp bah hao ji duh mham. Jêng gâp rgâl [ư jay tăm sêt đo\ng gu\ ta jay dơh ru yơn ân nsrôih, uănh nsum nău ns^t geh wa\ng sa âk đo\ng n’hanh hôm kơl an ăp nu^h geh bia\p sa kloh ue\h đo\ng.

            Wa Nguyễn Thị Thu Nguyệt, Kruanh Hội Liên hiệp bu ur n’gor Dak Lak an g^t, t^ng [ư đề án “Ntop kơl bu ur ntơm njêng nău kan lvang năm 2017- 2025” bah Thủ tướng Chính phủ, ăp gưl hội bu ur n’gor Dak Lak ho\ an [ư âk nău kan ngăn ngăn, kơt: [ư rgum nchră bu ur ntơm njưêng nău kan, tâm nkoch bri na nê| đah kruanh rđău kan ăp gưl mpeh nkô| nău ntơm njêng nău kan bah bu ur, rgo\ jă oh yuh rdâk njêng ăp nău m^n ntơm njêng nău kan, uănh năl di n’hanh pă tơm prăk an ăp nău m^n ntơm njêng nău kan blău [ư mhe.

            Tât a[aơ Hội Liên hiệp bu ur n’gor Dak Lak ho\ dơn geh bơi 600 nău m^n njêng nău kan, ntơm trong tăch rgâl bah bu ur, tâm nê, 300 nău m^n geh nău dơi [ư ngăn ho\ dơi njoăl tât Ngân hàng Chính sách xã hội n’gor đă tâm pă tơm prăk manh, ntop kơl đah rnoh âk bơi 9 rmen prăk. Lơn âk ăp nău m^n ntơm njêng nău kan rgum tâm ăp trong: tăch rgâl jê|, tăm biăp, mât ka ntil, mât rong ndrôk, su\r, djăr, bok ao.

             Ăp gưl hội bu ur tâm n’gor ho\ an [ư du\t âk nău kan geh nkô| khlay gay ntop kơl bu ur, rgum tâm nău kan ôp kuăl ăp tơm prăk gay ntop kơl bu ur ntơm njêng nău kan tăch rgâl. {ư pơk ăp rơh tâm nchră tâm pă nău tă ơm g^t tăch rgâl, gay bu ur geh tay nău g^t nău kan [ư njêng tăch rgâl bah he du trong geh nău tâm ban. Rlău ma nê Hội bu ur n’gor ho\ ntop kơl ăp rêng [ư si [u\t gay ăp doanh nghiệp tâm ban kơt ăp oh yuh bu ur t^ng [ư nău kan ntơm njêng nău kan bah he đăp mpăn di ăp quy định bah Đảng n’hanh ngih dak đo\ng.

            Êng đah ăp bôk nău kan ntop kơl manh tơm prăk ngăn, ta Dak Lak trong leo [ư Bu ur ntơm njêng nău kan, rlău ma nău nta trong dơh an manh tơm prăk gay [ư njêng, hội bu ur hôm ntop kơl [ư mpeh si [u\t, nău way n’hanh ndrel t^ng groi nđôi dăch dêh, ndrel hăn tâm rnôk bu ur râng ntơm njêng nău kan, ntơm trong tăch rgâl đo\ng. aơ lah trong nkra gay droh rklaih jêr jo\t, ntru\t ntrôl ăp nău kan ntơm njêng nău kan bah bu ur lăp ngăn ngăn, ns^t tay nău dơi geh wa\ng sa an săk nơm tâm ban kơt lam rêh jêng kon nu^h đo\ng./.

Nu^h nchih rblang: Điểu Thân