VOV4.M’nông: Bol mô ho\ geh ntưp ji, yơn kơp ntơm bah rnôk nuh srê Covid-19 ntoh luh n’hanh ntưp rêng lam hvi, n’gor Dak Lak ho\ lor nchrăp đah pah kan njrăng n’gang nuh srê klach rvê dja. Tâm rơh rdâng lơh đah nuh srê Covid-19, ăp mpôl kan dak si mpeh Ntu\k rgum Mât njrăng kop ji n’gor Dak Lak n’hanh khoa ntưp rêng bah Nhih dak si nkual Tây Nguyên lah ăp nu^h tơm bôk trong rlong sial, le\ nuih n’hâm nsrôih yor ma nău đăp mpăn bah nu^h ji n’hanh nsum mpôl. Ăp nău rgop bah khân păng le\ ma lam nu^h nchih nkah n’hanh uănh khlay.

            Le\ ma khay aơ, ăp nu^h kan dak si bah 7 rmôt hăn kan ngăch rho\ do\ng pah kan njrăng n’gang nuh srê Covid-19 bah Ntu\k rgum Mât njrăng kop ji n’gor Dak Lak way rvah rvăch đah nău kan. Wa Trần Kim Long, Mât bôk kan khoa njrăng n’gang kop ji ntưp rêng, Ntu\k rgum Mât njrăng kop ji n’gor Dak Lak an g^t, ăp nar, trong ôp ndal bah n’gâng kan dak si dơn geh âk nău mbơh bah nhih pah kan dơi kan n’hanh nu^h [on lan mpeh nu^h rsong hăn tât bah nkual tơm geh nuh srê. Rnôk tăng geh nău mbơh, ntu\k rgum mât tâm pă nu^h kan hăn uănh năl di n’hanh mbơh nti, nso\ng kơl an nu^h [on lan. Nu^h I dơi an gu\ săm êng ri rdeng tât Nhih dak si nkual Tây Nguyên an gu\ săm êng n’hanh so\k mham uănh năl.

            T^ng wa Trần Kim Long, nău kan bah ăp nu^h [ư nchrăp lor mâp du\t âk rmoh rman yor khân păng ân tâm rdâng đah ăp ntil kaman ru\ hôch mô mpơl săk:

            “Ntơm bah nar mùng 3 tât mùng 6 hăn kan tay ri hăn nkre n’ho ro, moh rnôk geh hăn rnôk nê, moh rnôk kuăl hăn rnôk nê, măng ngo hăn đo\ng. Nău he kan tâm ban kơt mpôl tahen ru\ hôch dơm. Yor ma nău nsum mpôl ma he hăn kan, mô dơn ăp nu^h dja geh mô lap, lah an geh lăn nu^h ntưp nCovid ri du\t n’hâm klach rvê ngăn.”

            Ndrel đah ăp nu^h kan dak si tâm rmôt dâk kan ngăch bah Ntu\k rgum Mât njrăng kop ji n’gor Dak Lak, ăp nai dak si kâp mât chăm n’hanh săm ăp nu^h ji m^n geh ntưp, ntưp ji Covid-19 ta khoa ntưp rêng bah Nhih dak si nkual Tây Nguyên way gu\ nchrăp lor đo\ng.

            Bác sĩ Đa khoa Trần Hoàng Yến Nhi, Bác sĩ khoa ntưp rêng bah Nhih dak si nkual Tây Nguyên an g^t, nar 12/2, yuh dơi kruanh khoa tâm pă kan wơt dơn n’hanh [ư ăp njoat but săm an nu^h ji m^n geh ntưp nCovi tât bah nkual nuh srê Sơn Lôi, Vĩnh Phúc. Bol ma âk tơ\ tă rlău pah kan njrăng n’gang nuh srê bol âk đêt ho\ tă rlău đo\ng, yơn săk yuh nơm mô bah rvê, yor lah nu^h ji geh ji ri he nơm lah nu^h geh ma nău ntưp ji âk. Yơn lah, đah han săk bah nu^h bác sĩ ntu\k bôk trong rlong sial njrăng n’gang nuh srê, yuh ho\ rlău ăp klach rvê bôk năp gay le\ nuih n’hâm mât chăm an nu^h ji:

            “Gâp lah nu^h lor bôk năp dơn nu^h ji s^t bah Vĩnh Phúc, lah nu^h lor bôk năp dơn nu^h ji ri klach rvê ngăn đo\ng. Yơn rnôk ho\ n’glêh an pah kan ta aơ ri he ân nchrăp nuih n’hâm gay dơi mâp n’hanh săm an ăp nu^h m^n geh ntưp ji tât g^t geh ntưp ngăn. T^ng gâp nău du\t khlay lah uănh njrăng tât nău ngăn geh ji bah nu^h ji lôch nê lơi ir phit klach, yơn mô an uănh lhơ đo\ng djăt ma [ư t^ng ăp njoat bah Bộ Y tế”.

            Pah kan ta Khoa ntưp rêng bơi 18 năm, jêng bác sĩ chuyên khoa 1 H’Nuen Hđơk ho\ geh âk nău tă ơm g^t kan tâm pah kan njrăng n’gang nuh srê.

            Bác sĩ H’Nuen Hđơk an g^t, ntơm bah nar ntoh luh nuh srê tât a[aơ, Khoa ntưp rêng ho\ wơt geh 7 nu^h m^n geh ntưp nCovi. Du\t lap lah ăp nu^h ji dja mô geh ntưp n’hanh ho\ an luh nhih dak si lôch 14 nar an gu\ săm êng. T^ng bác sĩ H’Nuen Hđơk, bol mô ho\ geh nuh srê, yơn pah kan njrăng n’gang nuh srê way dơi rmôt kan dak si tâm khoa an dâk lor bôk năp. N’hanh săk yuh nơm ntro\ng năl đo\ng lah mô lap geh ji mbra gu\ tay ta nhih dak si gay gu\ săm êng n’hanh le\ nuih n’hâm mât chăm nu^h ji đo\ng.

            “Ntơm bah rnôk năl geh nuh srê lah ntơm bah nar 2-1, ta Dak Lak ri khoa ntưp rêng mpôl hên ho\ nchrăp n’hanh nchrăp du\t ăp to\ng na nê|. Rnôk geh nău lư bah jrô manh kơl săm ngăch mbơh tât lah geh 1 hê m^n geh ntưp rêng s^t bah nkual geh nuh srê ri mpôl hên nchrăp wơt nu^h ji d^l. Rnôk lăp ta aơ ri mpôl hên sơch but săm du tơ\ tay đo\ng, lah mpôl hên saơ to\ng geh nău dơi gu\ tâm trong groi nđôi 343 ri mpôl hên mbra an nu^h ji nê gu\ săm êng n’hanh mbơh an kruanh khoa, mbơh CDC, lo\k rmlông ko [ư uănh năl. Du\t lap lah a[aơ Dak Lak 7 nu^h mô năl geh ntưp đah nău ji da dê. Lah geh nu^h ntưp rêng ri mpôl hên mbra an gu\ săm êng đah nu^h ji n’hanh mô dơi an gu\ s^t jay. N’hanh gâp nt^nh rnăk wâl he gu\ ta jay nchrăp an gu\ êng njrăng n’gang nuh srê êng ta jay n’hanh nău kan ta jay ri sai [ư le\ rngôch.”

            khoa ntưp rêng bah Nhih dak si nkual Tây Nguyên geh 25 bác sĩ, y tá n’hanh điều dưỡng. Kơp ntơm bah rnôk nuh srê Covid-19 ntoh luh, t^ng nău rđău đă bah kruanh rđău kan nhih dak si, Khoa ho\ njêng nkual gu\ săm êng đah 200 nsưng gu\ b^ch ji gay săm an nu^h ji m^n geh ntưp n’hanh nu^h ntưp ji nCovi. Bác sĩ Chuyên khoa 1 Phạm Hồng Lâm, Kruanh khoa ntưp rêng bah Nhih dak si nkual Tây Nguyên an g^t, nău way, pah kan ta khoa ơm ho\ âk hôm, rnoh nu^h lăp nhih dak si âk, a[aơ hôm mbrôn tay soan gay rdâng lơh đah nuh srê Covid-19 jêng rmôt kan dak si ân nsrôih rlău bar tơ\ gay [ư jăp nău kan.

            “Nô nău a[aơ bol mô ho\ geh nu^h ji yơn đah lam ntu\r neh, lơn lah Trung Quốc n’hanh ăp dak kiău ma ri nuh srê dja dôl tât krit jêr. Ntơm bah nar mùng 4 Tết nhih dak si ho\ rgum hop n’hanh njêng [an rđău đă n’hanh geh nău rđău đă du\t dăch dêh. Lơn lah jao nău kan tơm an khoa ntưp rêng. Tâm ban u\ch dơn ngoăy nău m^n rđău đă bah Trung ương nê lah rdâng lơh nuh srê tâm ban ma rdâng lơh phu\ng rlăng ri tât a[aơ nô nău dôl gu\ tâm trôm nău mât uănh jăp. Gâp m^n ndơ ndjôt tay an nău du\t rhơn m[ak an ăp nu^h [ư nău kan săm ji ntưp rêng nê lah nu^h ji dơi luh bah nhih dak si, bah ji n’hanh nău khlay lơn đo\ng lah mô an nuh srê ntưp rêng n’hanh mât njrăng jăp ăp nu^h geh ma nău ntưp rêng chong cheng bah khoa ntưp rêng, bah nhih dak si ma luh.”

            Bol ma jêr jo\t n’hanh âk nău klach rvê, yơn đah nuih n’hâm ro\ng kan n’hanh nuih n’hâm dơn kan đah nsum mpôl, rmôt kan dak si, bác sĩ n’hanh nu^h kan dak si ta bôk trong rlong sial njrăng n’gang nuh srê bah n’gor Dak Lak way nchrăp an ma nu^h ji. Ăp n’hâm soan roh hoach ru\ hôch bah nu^h kan dak si tâm rơh rdâng lơh Covid-19 rgop ns^t tay nău nsing nơm an nu^h ji n’hanh nău đăp mpăn an nsum mpôl lam [on lan./.

Nu^h nchih rblang: Điểu Thân