Tâm nau khuh răm lam dak rƀŏng nkah 51 năm nar rklaih miền Nam, đăp mpăn neh dak, du rnôk tâm mâp geh âk nau rhơn mhe geh ƀư tâm Phường Thủ Dầu Một, nkuăl ƀon têh Hồ Chí Minh. Rơh bôk năp, ăp bu ur tahen tâm 5 rmôt pháo binh nkual neh Thủ Dầu một tâm rnôk tâm lơh mprơh Mỹ ndrel tât tâm mâp. Aơ lah nau kan khlay ngăn yor rmôt ƀư nau kan way ơm tâm lơh nkuăl ƀon têh Hồ Chí Minh tâm rgop ƀư. 92 nŭih râng tâm nar mâp măt lah ăp “kao si loih” tă bah ăp rmôt kan: Tân Uyên, Dầu Tiếng, Bến Cát, Thuận An ndrel Châu Thành.

Tâm rnôk tâm lơh kăl e, ăp nŭih bu ur druh mhe tât bar jêt năm nê hŏ lơi ba kơi nau druh ueh bah nơm, hăn ndjôt n’gâr phao, mât nâp ntŭk ntu nơm gay njêng jêng nau geh dơi têh, rgop nau nchih tay nau ang ueh gay rklaih rnoi mpôl, đăp mpăn neh dak. Ăp bu ranh bôk ndra, ăp mpăng ty lĕ sâr, yơn lah rnôk geh nkah tât “sông tâm bri, bĭch tâm trôm neh” ri măt ang ơm nau ntô̆ rhơn săk nơm./.