VOV4.M’nông: T^ng [ư nău ntru\nh mbrô 01/2015 bah Thủ tướng Chính phủ, 5 năm rlău aơ, nu^h [on lan ta nkual n’har bri n’gor Đắk Lắk ho\ nsrôih râng trong leo [ư lam [on lan râng mât njrăng [ư tơm neh dak, rnă njrăng n’har bri neh dak tâm nô nău mhe; ndrel mpôl tahen n’har bri n’gor Dak Lak, [on lan ta n’har bri ho\ nsrôih râng rsong hăn treng nđôi n’har bri, n’gâng ntăm n’har bri, mât nâp [ư tơm n’har bri, rdâk njêng ntu\k nsing lam [on lan nâp dăng.

            Xã n’har bri Ia Lốp nkuâl Ea Súp, n’gor Dak Lak tă lah ntu\k duh hô mpeh đăp mpăn rnă njrăng. Ăp năm bah năp nơh, ta aơ way geh ăp rơh ntu\ng rmuănh, tâm pit neh ntu, lơn lah lơh si bri n’hanh nchron pănh mô geh nău way. Wa Hồ Văn Đức, nu^h kan tâm Rmôt mât njrăng êng thôn Trung, xã Ia Lốp an g^t, bôk năm 2015, Tahen n’har bri n’gor Dak Lak ho\ kan nsum đah UBND xã ndrel nu^h [on lan njêng ăp rmôt mât njrăng êng t^ng [ư nău kan hăn rsong uănh treng nđôi mât njrăng n’har bri. Ăp rmôt geh ntơm bah 12 tât 15 nu^h. Ăp khay, ăp quý ăp nu^h kan tâm pleh kan nsum đah mpôl tahen n’har bri, [ư rsong uănh treng nđôi nkra ăp ntu\k duh hô mpeh roh đăp mpăn rnă njrăng ta n’har bri. Nơm geh kơt nê, rnoh âk tơ\ ntu\ng rmuănh, lơh joi si, nchron pănh, tih n’har bri ntơm bah nê dơi ntrôl ru\ch.

            “Thôn Trung mpôl hên geh du n’gâng ntăm n’har bri, gâp lah nu^h tâm rmôt mât njrăng êng jêng way râng treng nđôi mât njrăng n’har bri đah mpôl tahen n’har bri. Nkre ndrel đah mpôl tahen n’har bri nkoch trêng an nu^h [on lan mpeh ăp nău dơi [ư, nău mô dơi [ư ta n’har bri. Rnôk dơi nkoch trêng, nu^h [on lan ho\ g^t kloh jêng mô hôm lăp tâm bri lơh joi si, nchron pănh mô geh nău way tâm ban kơt nchuăt du rlău n’har bri tât dak băl ru\n gu\ n’har bri bah khân păng”.

            T^ng wa Phạm Khắc Dũng- Bí thư Đảng uỷ xã Ia Lốp, t^ng [ư nău ntru\nh mbrô 01 bah Thủ tướng Chính phủ, mhe aơ, Đảng uỷ xã ho\ ntrôl dăng nkoch trêng rgo\ jă [on lan nsrôih râng mât njrăng [ư tơm, trong n’har bri, n’gâng ntăm. Ăp đảng viên, công chức, viên chức n’hanh nu^h [on lan ân đăng ký râng êng mât njrăng n’har bri ma nău g^t n’hanh nău dơn kan du\t jăp. A[aơ le\ rngôch 18 thôn ho\ geh rmôt mât njrăng êng, đah rlău 600 nu^h [on lan râng. Wa Phạm Khắc Dũng an g^t, ndrel đah pah kan nkoch trêng, kan nsum hăn rsong uănh bah ăp rmôt mât njrăng êng, Đảng uỷ xã Ia Lốp hôm kan nsum đah pôih n’har bri Ea H’leo ký ton nău way tâm boh kan nsum t^ng [ư nău kan mât đăp mpăn rnă njrăng n’har bri.

            “Xã Ia Lốp geh bơi 7 rbăn nu^h, tâm nê geh nklăp 50% lah [on lan rnoi mpôl đê|, nău rêh bah nu^h [on lan hôm mâp âk jêr jo\t. Ntơm bah rnôk an [ư nău ntru\nh 01/2015, Đảng uỷ n’hanh n’gâng kan xã kan nsum đah pôih n’har bri ta ntu\k way n’hao dăng nkoch trêng, rgo\ jă [on lan râng mât njrăng n’har bri đah nuih n’hâm dâk râng êng. Dơi geh rgo\ jă nu^h [on lan gơih nđơr tât râng, ntơm bah nê nô nău đăp mpăn rnă njrăng n’har bri dơi mât nâp. {on lan ta nkual n’har bri rgum tâm nău kan tuch tăm mât rong hun hao wa\ng sa lơn”.

            N’gor Dak Lak geh bơi 74km trong n’har bri hăn rlău bar nkuâl Ea Súp n’hanh Buôn Đôn, kâng n’har đah n’gor Mundulkiri, dak Campuchia. Du njăr trong geh 11 n’gâng ntăm, 1 mpông n’har bri, n’hanh 22 rbăn rnăk, đah rlău 82 rbăn nu^h, mpeh 30 rnoi nu^h ndrel gu\ rêh. Aơ lah ntu\k geh njrăng n’gang n’har bri du\t khlay.

            Thiếu tá Lưu Minh Hưng- Chính trị viên Pôih n’har bri Ea H’leo mpeh Bộ chỉ huy tahen n’har bri Dak Lak an g^t, t^ng nău way kan nsum đah 2 đơn vị, ăp khay, “Mpôl tahen- [on lan” mbra hăn rsong uănh, treng nđôi ntơm bah 3 tât 4 tơ\, jo\ ntơm bah 1 tât 2 nar.

            “Gay t^ng [ư jăp nău ntru\nh mbrô 01 bah Thủ tướng Chính phủ, gưl uỷ, kruanh đơn vị kan nsum đah ăp n’gâng kan bah xã an rmôt pah kan ju\r na nê| n’hanh mpôl kan tâm dâng [ư jăp pah kan nkoch trêng rgo\ jă [on lan n’hao nău g^t mât njrăng êng [ư tơm neh dak đăp mpăn n’har bri neh dak. Bah meng nê ri nsrôih ndrel đah ăp n’gâng kan nsum mpôl tâm dâng nkoch trêng rgo\ jă [on lan pah kan jan sa, hun hao wa\ng sa, n’hao săk geh nău rêh drăp ndơ nuih n’hâm an nu^h [on lan, đăp mpăn gu\ rêh rdâk njêng nkual n’har bri hun hao geh ndro\ng.”

            T^ng Đại tá Đỗ Quang Thấm- Groi chính uỷ tahen n’har bri Dak Lak, gay t^ng [ư geh nău tam nău ntru\nh mbrô 01 bah Thủ tướng Chính phủ mpeh trong leo [ư “Lam [on lan râng mât njrăng [ư tơm neh dak, rnă njrăng n’har bri neh dak tâm nô nău mhe”, 5 năm rlău aơ, đơn vị ho\ an [ư ăp kôp ăp nkô| tâm nău ntru\nh. Na nê|, đơn vị ho\ ntop kơl 4 xã n’har bri njêng n’hanh mât 51 rmôt mât njrăng êng thôn [on, đah rlău 2.600 nu^h tât râng. Leo [ư 560 tơ\ rơh nkoch trêng mbơh g^t lam hvi pháp luật an 18 rbăn tơ\ nu^h [on lan ta nkual n’har bri.

            Mpôl tahen n’har bri ndrel ăp rmôt mât njrăng êng ho\ năn ngăch nkra hang rhiăng tơ\ tâm pit neh ntu, lăp rglah geh nău tam ăp rơh tih [ư roh đăp mpăn, lơh chrai 15 tơ\ nău tih ma tuý, ban saơ nkra rmal rlău 140 tih lơh bri, nhu\p ndơ\ an mpôl kan dơi kana nkra rmal rlău 150 nu^h lơh bri mô geh nău way…ndrel đah nê, tahen n’har bri Dak Lak hôm ntrôl dăng pah kan rgo\ jă lam nsum mpôl, ma ăp nău kan kơt: Leo [ư “Nar lam [on lan mât njrăng n’har bri”, “Năm mhe n’har bri răm m[ak nuih n’hâm [on lan”, pă an 340 mblâm jay “N’hu\t răm ntu\k n’har bri”, “Jay băl tahen”, dơn mât 4 mon geh nău rêh jêr jo\t “[ư kon mât ta n’har bri”; ntop kơl đăp mpăn lam rêh jêng kon nu^h an ăp rnăk dơi kơl; pă an si kon, ntil ndơ mât, phân poh an rlău 700 rnăk ach o hun hao wa\ng sa, đah le\ rngôch rnoh prăk rlău 2,3 rmen prăk ăp năm.

            Đại tá Đỗ Quang Thấm an g^t, let năp tay, nhih pah kan mbra an [ư tay geh nău tam lơn ăp nkô| tâm nău ntru\nh mbrô 01 bah Thủ tướng Chính phủ.

            “Mpôl hên mbra kan nsum tay đah ăp nkuâl gay ăp mpôl, ăp rnăk, ăp nu^h đăng ký râng pah kan treng nđôi mât đăp mpăn rnă njrăng n’har bri. N’hanh lôch nê tay đo\ng, mpôl hên mbra pơk tay ăp jrô nt^m nti mbơh g^t jru hvi pháp luật an nu^h [on lan n’hanh cán bộ, công chức, viên chức gay khân păng n’hao lơn đo\ng nău dja gay kơl rêng [ư ring lam dăng lơn đo\ng tâm let năp tay. Ndrel đah nê, mpôl hên ntop kơl tay n’gâng kan ăp nkuâl dăp rgum tay ăp to\ng lam trong kan chính trị; n’hao dăng ntop kơl đăp mpăn lam rêh jêng kon nu^h ma ăp trong leo [ư hun hao wa\ng sa gay nu^h [on lan đăp mpăn nău rêh”.

            Đah nău mât ue\h soan dăng lam [on lan, pah kan mât njrăng [ư tơm rnă njrăng n’har bri neh dak ta Dak Lak ho\ n’hanh dôl geh ăp nău dơi ue\h, lôch nê rdâk njêng nâp ntu\k nsing lam [on lan njrăng n’gang neh dak, rgop đăp mpăn n’hanh rdâk tay nâp [ư tơm rnă njrăng nkual mpêr n’har bah neh dak./.

Nu^h nchih rblang: Điểu Thân