VOV4.M’nông: Knu\ng hôm nklăp n’gul khay dơm lah tât tết năm mhe Canh Tý 2020. Ăp nar aơ, nu\ih tăm kao ta Dak Lak dôl mô ru đah nau mât chăm ăp ntil kao gay ma geh âk kao ueh gay ma tăch tâm nrôk tết.

            Dôl ma to\ ăp ntu\k tăm kao dôl luh mlom, nô Nguyễn Mậu Lộc, ta Phường Tân Lập, nkuăl [on têh Buôn Ma Thuột n’gor Dak Lak rhơn nkoch, bri mih nar tâm di ri kao ueh ngăn. Lah mô geh nau rgâl ri mir kao cúc bah rnăk nô mra ân luh mlom, kao ueh di rnôk têt năm mhe. Đah 1.500 ngan kao, âk rlau 3 tơ\ rđil năm e, nô Lôch rnơm mra tăch le\ kao tâm rnôk tết:

            ‘Lah nsum ri nơm tăch ma bu âk ngăn, hôm đê| ri tăch rai. Vay ri kao nơm ko\ saơ ueh đo\ng, kao cúc lah nsum ri âk năm dăch aơ tăch ko\ mbrơi yor lah âk ntu\k byu tăch. Rnoh năm aơ ri năl lah mra tâm ban mô lah dêh lơn yơn mô geh prêh lơbn ôh yor lah bu u\ch rvăt ri ko\ uănh nau văng sa bah rnăk vâl nơm ri lah nau bôk năp. Tal bar đo\ng lah tâm ăp năm ta Buôn Mê nơm ri tăm âk tay kao ndrel bu [ư âk lơn tay”.

            Tâm ăp yan tât tết lah ăp yan kao, yan tăch rgâl kao, yor ri ma rgum âk mpưm ngăn kônh wa [on lan, tă mơng đah lo\ mir. Nô Y Linh Niê, ta [on Ea Mấp, nkuăl têh Ea Pôk, nkuăl Cư Mgar ân gi\t, nô ho\ tăm, tăch kao tâm rơh têt geh bơi tât 10 năm ma aơ. Tât rnôk aơ, mô pơk hvi tay neh tăm kao, koh n’ging kap ndrel geh kao tâm lôch năm. Đah 4000m2 neh, nchrăp tết aơ mra geh tăch nklăp 100 rbăn n’ging kao cúc ndrel 80 rbăn jao lay ơn. Ti\ng nau kơp bah nô Y Linh, lah mih nar tâm di ri yan kao tăch ân rơh tết năm aơ mra leo nsi\t ân rnăk vâl nô rnoh geh nklăp 400 rkeh:

            ‘Saơ bri mih nar ri păng mô lăng ueh rđil đah ăp năm bah năp nơh. Kao kuk lah ntil kao mô u\ch mih nar mô lah n’ik ir ri tâm rnôk mât chăm ri nơm ân njrăng năn gay ma saơ ntil bu tuh, bu sa tâm n’ha, tâm tơm gay ma năn njrăng rdâng. Vay ri tâm du\t năm ji kăt mra geh bu tuh chuh tâm tơm, tâm n’ha. Mât chăm ri ngăn lah njrăng bu tuh [a [ơ gay ma puh dak si njrăng bu tuh tâm tơm kao”.

            Bri n’ik tâm di nơih ân kao cúc hao jêng ueh yơn lo\ [ư nu\ih tăm mai rvê. Wa Nguyễn Văn Vinh, tơm nu\ih tăm mai ta thôn 8, xã Hoà Thắng, nkuăl [on têh Buôn Ma Thuột ân gi\t, bri n’ik [ư tơm mai jêr luh mu\n kao ndrel luh dang kao mô tâm ban. Rlau 20 năm [ư tăm kao, wa ho\ nchrăp ăp ngăn, ti\ng uănh bri mih nar ndrel uănh mât chăm ân ueh gay mai luh kao di nar tết:

            ‘ Năm aơ bri mih nar ri n’ik ơm yor ri ma nơm ân geh mât vhăm nar ân păng luh mu\n kao, năm aơ ri lơn ma ơm rđil ăp năm. Kơt ăp năm ri nơm kâp tât 35 nar yơn năm aơ ri hao 45 nar, nê lah păng ơm lơn 10 nar yor bri n’ik kao luh la lơn. Bri a[aơ ri păng n’ik lơn ma nơm mô gi\t lor, năm aơ ri nơm mô gi\t lor ôh, geh năm ri ueh, geh năm ri roh dơm, kơt lah kao ti\ng yan. Tât mông tăch ri geh nklăp 200 ngan kao, ko\ geh nu\ih ri jêh lôch têt bu mplơ\ ân nơm, mô lah geh nu\ih ri bu mât chăm êng ro”.

            Ân tât rmôk aơ, ăp ntu\k tăm kao ta Dak lak bol ma geh âk nau rvê mpeh yan kao tết yơn nau nchrăp tết hôm geh nau khuh răm ơm. Ăp nau mpo\ng u\ch mpeh du chợ kao năm mhe khuh n’gôr, mpeh du năm tết năm mhe ueh lăng, âk nau rhơn ko\ ntop tay nau u\ch gaty ăp nu\ih mât chăm ueh lơn ân kao gay ma tăch, nkra njêng ăp mlom kao, n’ging kao. Êng nau u\ch du yan tết kao ueh nơh, ăp nu\ih tăm kao hôm u\ch ăp kao, ăp tơm kao bah nơm mra [ư ueh tay rup gui ueh mpeh du năm mhe, [ư ueh ngih, ueh mpông, ueh trong [on lan./.

                                    Nu\ih rblang: H’Thi