VOV4.M’nông: Ndrel đah nau kan mât đăp mpăn n’har bri bah neh dak, rơh rlau aơ, ăp cán bộ tahen ăp pôih tahen tâm Dak Lak hôm [ư săk tam nau kơl an tâm, nau rêh kơl an [on lan tâm nkuăl n’har bri hun hao văng sa, jut n’huch ach o, ngăn lah nau kan “Kon rong tahen Biên phòng” geh ntru\nh mhe aơ ho\ kơl an âk kon se mô lap geh nau rêh đăp mpăn, geh hăn nti

            Mon Y Phú Mlô, 5 năm, rnoi Bunong, ta {on Ndrang Phôk, xã n’har bri Krông Na, nkuăl Buôn Đôn tă bah jê| mô geh mbơ\ ndơn, me lo\ khi\t rnôk ê tât 3 năm. Mô geh mbơ\, me lo\ khi\t, ri ma păng gu ma u che dê rong. Yor n’hâm soan mô dăng, rnăk vâl lah rnăk ach o, kan mât rong mâp nau jêr ngăn. Bah năp nau rêh mô lap bah mom Y Phú, rđau kan tahen Biên phòng Srêpốk, tâm N’gâng kan rđau tahen Biên phòng Dak Lak ntru\nh nau ndơn mât mom gay ma [ư kon rong.

            Trung tá Đỗ Văn Nhương-Groi rđau kan rmôt bonh đă [on lan pôih tahen Srêpốk ân gi\t, bôk năp, u che păng mô ân ôh. Bu rvê lah Y Phú mra mô geh nau u\ch ro\ng bah băp mpôl. Yơn lah, jêh âk tơ\ hăn bonh, u che păng ân ân ăp tahen leo mom si\t rong. Khay 8/2019, ntoh măt pôih tahen Srêpốk ho\ tât UBND xã Krông Na, nkuăl Buôn Đôn gay ma [ư săm [u\t dăn mon Y Phú si\t rong. Trung tá Đỗ Văn Nhương, nkoch:

            ‘Rnôk mhe tât ta aơ ri mom mô lăng dăng ôh, jêh geh nau mât chăm răk rong tât rnôk aơ, mom hao têh ueh, săk jăn ko\ dăng ngăch ndrel ma lay oi đo\ng, mô hôm geh nau prêng, nau klach kơt ntơm nơh ôh. Oh nô phung hên mra dăp rgum mông pah kan gay ma rong păng, nti\m ti\ng nau mbơh, nau ngơi, phung hên do\ng nau tâm ro\ng ndrel nuih n’hâm bah nơm gay ma rong mom jêng bu nu\ih ueh. Uănh mom kơt lah kon tâm ngih, u\ch jêh aơ tă kon mra têh ndrel jêng nu\ih geh nau blau tâm nau rêh”.

            Y Phú Mlô nkoch: Ntơm nar geh si\t gu\ ma tahen biên phòng, păng geh sông hơm, geh nti play săm [u\t ndrel nau ueh mhe tâm nau rêh. Ăp nả, jêh hăn nti, păng râng pâl nsum, nti\m nti n’hâm soan ndrel tahen. Rnôk mô gi\t nau nai nti ri si\t ta ngih geh “ăp nu\ih mbơ\ yông grat ndrih” nti\m nti tay. Hăn nti păng hôm geh ăp tahen rdeng hăn nti tât ta ngih săm [u\t ndrel vơt si\t rnôk lôch nti. Gu\ ma tahen, păng geh nau rêh hơm răm, geh nau u\ch ro\ng:

            ‘ Me gâp khi\t hôm, hôm u che ri ach o ngăn, mô geh âk piăng ân gâp sông. Rnôk hăn gu\ ta aơ ma kônh tahen biên phòng, săo ăp kônh ân gâp sông hơm, geh pâl, geh ăp kônh nti ân gâp nchih play săm [u\t. Năm ba kơi gâp nti jrâu 1, gâp mra nti ân blau, gay ma mô ân u che ndrel ăp kônh tahen rvê ôh”.

            Nau kan “Kon rong bah tahen Biên phòng” yor N’gâng kan rđau kan tahen Biên phòng rgo\ jă gay kơl an ăp kon se jê| gơih nti, geh nau rêh jêr jo\t, rêh kon đơi me mbơ\, mô geh ntu\k nsing, oh kon lah rnăk geh dơi kơl tâm nkuăl n’har bri, bah nê pơk trong nơih ân kon se geh ntu\k gu, ntu\k nti, hun hao ăp ntil, jêh aơ jêng ăp nu\ih gi\t blau ân rnăk vâl ndrel nau rêh. Bah bôk nau kan, mra grop nau n’hao lơn tay nau tâm rnglăp đah tahen ndrel [on lan tâm nkuăl n’har bri, ndâk nau rêh ndeh dak nâp nâl.

            Đại tá Đỗ Quang Thấm-Groi chính uỷ tahen Biên phòng n’gor Dak Lak ân gi\t, ăp năm rlau aơ, ăp pôh tahen tâm N’gâng kan rđau Tahen Biên phòng Dak Lak ho\ ntru\nh geh nau dơi bôk nau kan “Hăn ndrel bu ur nkuăl n’har bri” “Năm mhe Biên phòng duh răm nuih n’hâm [on lan”, kơl an bơi tât 100 kon se nri, du khay 500 rbăn tâm bôk nau kan “Kơl nhoat jâng oh hăn nti”, pă 340 ngih “kơl an nkuăl n’har bri”, “Ngih kơl an tahen”, kơl an ân ăp rnăk geh nau dơi kơl, pă kon ntil, mpa rong, phân poh ân rlau 700 rnăk ach o hun hao văng sa, đah rnoh prăk hao tât 2,3 rmen prăk du năm.

            Mpeh nau kan “Kon rong tahen Biên phòng” ntơm bôk năm 2019 tât rnôk aơ, ăp pôh tahen ho\ ndơn mât chăm 4 kon se geh nau rêh jêr jo\ tă bah nkuăl n’har bri Ea Súp ndrel Buôn Đôn. Nau kan kơl an kon se geh nau rêh jêr jo\t mpeh nuih n’hâm ndrel drăp ndơ rgop nau kơl an ăp mom lo\ geh hăn nti. Rơh tât, Rnâng kan rđau kan tahen Biên phòng n’gor Dak Lak mra lo\ uănh, pơk hvi nau kan “Kon rong tahen Biên phòng” tâm n’gor Dak Lak:

            ‘ Ăp năm ba kơi ri ntơm bah nau kan lah nu\ih [ư nau kan bah Tahen Biên phòng, nau rêh jêr jo\t bah [on lan tâm nkuăl n’har bri ko\ kơt lah nuih n’hâm geh nau kơl an bah bôk nau kan, phung hên lo\ ntru\t dăng [ư ueh lơn tay nau kan aơ. Tahen Biên phòng Dak Lak mra lo\ tâm rgop nsum đah ăp gưl n’gâng kan tâm nkuăl, [ư kơp nchih moh săk ăp kon se geh nau rêh jêr jo\t gay ndơn leo si\t rong, kơl an kon se lo\ ndơn tơm kơl an gay geh hăn nti, nti\m mbơh ân geh jêng nu\ih têh, rêh ueh”.

            Đah nau u\ch rong ndrel nau kan, ăp cán bộ, tahen Biên phòng ta Dak Lak ho\ ndrel dôl do\ng ăp nau ro\ng, nau kơl an ueh ngăn ân ăp kon rong bah nơm, kơl an ăp mom rlet nsôih tâm nau nti\m nti, jêng kon se gi\t blau, kon se gơih nti, kon se ueh bah Wa Hồ. Mra dơi lah, nau kan “Kon rong tahen Biên phòng” tâm nkuăl n’har bri Tây Nguyên ngăn ngên leo tât nau ueh, njêng jêng ăp nau kan geh nau khlay jru ngăn bah ăp nu\ih tahen geh grat ndrih tâm nkuăl n’har bri bah neh dak./.

                                    Nu\ih rblang: H’Thi