VOV4.M’nông: Ndrel dah lam dak, nau kan njrăng rdâng srê Covid-19 tâm n’gor Gia Lai dôl tât tâm rnôk njăch ndăn, đah nau nsôih bah lam ntrong kan chính trị ndrel nau lăp kơl an bah ăp kơn [on lan. Tâm rnôk rdâng srê kơt rdâng phung rlăng, ăp ntu\k kan tahen tâm n’gor ho\ ngăn lah ntu\k rnơm nâp nâp, rnôk rgum âk mpưm tahen, rgum âk ndoh ndơ ndrel ntrong kan ngih dak si râng nau kan aơ. Ntrong kan rdâng srê Covid-19 ma ăp ntu\k ndâk dôl rgop nau khlay tă bah âk ntrong, mra rdâng ân ăp nau kan ndal lơn.

Tâm nklang bri yan vai duh nar, nô Nguyễn Công Hoàn gu\ sa bánh mì, ngêt cà phê nsum ma 2 nu\ih êng, tâm nâm tơm si têh tâm nkuăl têh Ia Kha, Nkuăl Ia Grai, n’gor Gia Lai. Nô Hoan ân gi\t, gâp hăn tât nkuăl têh aơ gay ma rvăt tay di\ng dak to\ ân mir cà phê bah rnăk vâl tâm xã Ia O, yơn tât di\ng nar mô geh ntu\k gu\ rlu yor ăp ntu\k bu tăch ndơ ngêt, sa ko\ ntâl mpông njrăng srê Covdid-19. Nô Hoan rhơn ndơn nau rêh kơt aơ yor ho\ geh n’gâng kan tahen Biên phòng ndrel rmôt kan tâm xã Ia O mbơh tă bah âk nar bah năp nê:

‘Mpeh nau kan rdâng rdâng srê tâm ntu\k hên ri ăp oh nô cán bộ du\t n’hâm mât kan nâp nâl, uănh njrăng tât ăp ngih tăch ndơ sa. Nu\ih [on lan ri hăn tâm trong ko\ put ma bok put mbung. Bok put mbung gay ma mât ân săk nơm dnrel mât njrăng ân [on lan đo\ng”.

Ti\ng Thượng tá Rơma Tuân, Chính uỷ Rnâng kan rđau tahen Biên phòng Gia Lai, nkuăl n’har bri mpẹh ba dâng n’gor, tâm dăch ma n’gor Rattanakiri, dak Campuchia, mra lah mpông gay ma nkhi\t srê Covid-19 lăp. Du gưl, yor nau geh nkhi\t srê tâm Campuchia dôl ma tât jêr, gưl êng lah âk nu\ih [on lan Việt Nam pah kan tâm ăp ntu\k kan tâm Campuchia, mra si\t dak. Ntop ma nê, nkuăl n’har bri ta aơ geh âk trong pơk teng êng, [on lan vay hăn ro bar ding. Yor ri, nau nkân njrăng srê Covid-19 tă bah nkuăl n’har bri geh n’gâng kan tahen, ăp ntu\k kan bah tahen ndrel n’gâng kan nkuăl [ư njrăng rjăp. Tâm nê, rmôt tahen Biên phòng Gia Lai ho\ ndâk bơi tât 30 ntu\k, đah rlau 200 cán bộ, tahen [ư nau kan, ăp rmôt kơl an ndal bah tahen ndrel ăp nkuăl njok n’har bri tâm rgop rjăp gi\t  kloh rnoh nu\ih bah ăp rnăk, năn saơ ăp nau geh tât mhe bah nu\ih tâm nê gay ma rklaih. Thượng tá Rơma Tuân ân gi\t “Nau kan ndal” ho\ jêng nau mi\n kan bah rmôt tâm rnôk njrăng rdâng srê geh uănh lah rdâng ma phung rlăng:

Ăp rmôt tahen Biên phòng ho\ ndâk Rnâng kan rđau ndrel ăp ntu\k kan rdâng ngăch. Ăp ntu\k tahen ndâk lor jêh ri gay nchră mbơh nau ân n’gâng kan tâm nkuăl ndâk ăp Rnâng kan rđau nau kan ndrel rmôt kan kơl ngăch, rnôk geh nau tât ri tâm rnglăp nsum [ư nau kan dơm. Đah nuih n’hâm kan ndrel nau leo lăp kan ueh kơt nê ri nau kan njrăng rdâng tâm nkuăl n’har bri dôl ma [ư ueh”.

Tâm rnôk aơ, nau kan njrăng, rdâng srê Covid-19 ta Gia Lai geh ndâk âk jrâu, rdâng tă bah nkuăl n’har bri ndrel lăp tâm n’gor. Ăp ntu\k kan tăch rgâl mô kâp geh, nơih rgum ân nu\ih ndrel ntưp rêng nau ji ho\ geh ntâl mpông. Nu\ih [on lan geh đă [ư ân rjăp nau put ma bok put mbung rnôk luh hăn trong, ăp rnăk vâl [ư ueh nau rđau mpeh nau tâm nkhah. Lam n’gor ê geh nu\ih ntưp ma srê Covid-19 yơn kơt lah lam ntuk kan geh nau njrăng da dê. Êng ăp rmôt tahen, lơn ma [ư rjă nau njrăng nchrăp rdâng ân nau tât ndal. Đại tá Huỳnh Việt Dũng, Groi rđau kan tahen, N’gâng kan rđau tahen n’gor Gia Lai ân gi\t, rmôt kan dôl ma mât nau kan rgyum njrăng đah ăp nu\ih tâm n’gor, ndâk 17 ntu\k nkhah rgum, to\ng dơi 4000 nu\ih, ndrel dôl ma kơp uănh gay nau kan aơ geh [ư rjăp lơn:

‘Êng 17 ntu\k nê ri phung hên [ư nau nchrăp tay 5 ntu\k đo\ng. Mhâm [ư nsôih lah mô ân nau mô to\ng ntu\k tâm nkhah rgum nsum, ndrel tâm nkuăl tâm nkah rgum ri mô geh nau mô to\ng ntu\k, đăp mpăn ân nu\ih [on lan đăp mpăn tâm ăp nau tât jêr. Nkre N’gâng kan rđau kan mêt uănh ndrel ma nâp ân [on lan đăp mpăn bah năp nau tât jêr. Nkre, n’gâng kan rđau kan tahen mêt uănh ndrel mât ân rjăp ăp nau ntru\nh, njrăng rdâng nau tâm ntưp rkăng êng tâm ntu\k rgum âk nu\ih, đah nuih n’hâm yor [on lan kơl an, tâm pă nau jêr đah [on lan đah nuih n’hâm bah tahen Wa Hồ”.

Rdâng rjăp ngăn đah srê Covid-19 lah ăp ngih dak si, rmôt nai dak si tahen bah ăp rmôt tahen gu\ kan tâm Gia Lai, đah 2 ngih dak si têh ndrel âk ngih dak si tâm tâm, ko\ ho\ nchrăp ăp nau tât lah geh. Ti\ng Thiếu tá, nai dak si Phạm Xuân An, Kruanh rmôt kan tahen, Giám đốc ngih dak si 15-Binh đoàn 15, N’gâng kan tahen, nau kan săch năl srê Covid-19 bah rmot kan dôl geh [ư tâm mpông, đah nu\ih ji, nu\ih [on lan, năch ndrel cán bộ, nu\ih nai dak si. Ntu\k ntu, ndơ do\ng ndrel nu\ih kan ko\ geh nchrăp ân rjăp gay ma kơl săm tam bah ăp nu\ih geh ntưp lah geh:

‘Tâm rnôk srê hôm tâm gưl 3 kơt rnôk aơ, ri lah nơm uănh rjăp tât [on lan, phung hên mra pah kan nsum đah CDC Gia Lai, gay tâm rgop ndrel leo ăp nu\ih nê tâm khoa nhiệt đới bah Ngih dak si đa khoa n’gor. Hôm lah bah tahen mât nau kan, kơt lah cán bộ, tahen ndrel nu\ih pah kan bah binh đoàn, ri binh đoàn mra leo lăp tâm nkuăl nkhah êng bah ngih dak si, bah ntrong hăn êng lăp so\ng tâm khoa tâm ntưp nkre. A[aơ ntu\k aơ mra geh săm dơi ân 10 nu\ih. Tâm ntu\k săm ân nu\ih geh ntưp nê ri geh du jrâu săm, du jrâu cấp cứu, geh máy so\ n’hâm ndrel ăp ndơ êng”

Tât rnôk aơ, nau kan njrăng, rdâng ma srê Covid-19 lam dak lah nsum, Gia Lai lah êng dôl ma geh tâm di trong. Lam ntrong kan chính trị ndrel ma nu\ih [on lan tâm n’gor dôl ma nsôih ngăn. Êng rmôt kan tahen ri, ho\ ntoh nuih n’hâm kan rjăp prêh, nuih n’hâm nsôih, mô geh nau klach rvê roh hoach. Trong hăn rdâng srê Covid-19 hôm jong, ndrel ăp nô mra hôm lah ntu\k nsing rnơm ân nau njrăng, rdâng srê rêng trêng gay [on lan kơt ti\ng, rgop nau hăn lăp tâm nau geh dơi nsum./.

Nu\ih rblang: H’Thi