VOV4.M’nông: Nau kan mât chăm ân rnăk ach o ta n’gor Dak Lak dôl nar lơn hăn lăp jru ngăn ndrel geh âk nau dơi geh kơp dơn đah âk nau kan ueh. Ntoh ngăn lah nau kan têm du rbăn/nar ho\ [ư ueh nau nsum ty bah cán bộ, đảng viên, nhân viên tâm lam ntrong kan chính trị gay rgop nau ndâk ngih ân nu\ih ach o.

            Tâm ngih cấp 4 mhe ndâk, U Trần Thị Chắt, bơi tât 100 năm, ta Thôn 6, xã Ea Kpam, nkuăl Cư Mgar, rhơn vơt năch. U ân gi\t, ngih yor Ngih dak kơl an, hôm neh ri lah neh nu\ih păng mơng ân. Bar hê me kon păng rêh lôch nar rnơm tâm prăk kơl an bah Ngih dak kơl an ân bu rănh, bu ji kuet:

            ‘Bar hê kon gâp hăn pah kan tâm mpeh ba dâng aơ ri du hê le\ khi\t hôm, hôm du hê ri rlâng, mô gi\t nu nau. Gâp rêh geh nar năm ranh aơ lah rnơm bu kơl, rnơm ngih dak ndâk ân ngih aơ ân gâp ri gâp rhơn ngăn, lah ueh ngăn”.

            Ngih bah U Trần Thị Chắt lah ngoai tâm 550 ngih kơl an, ngih tâm kơl tâm nkuăl Cư Mgar geh ndâk bah bôk nau kan têm nkrem 1000 tâm âk năm rlau aơ. Ko\ rnơm geh nau kơl an ngih, ma âk rnăk tâm nkuăl ho\ geh nau dơi gay ma rklaih hao bah ach o. Nô Trần Thái Hiệp, ta Thôn 8, Xã Ea Kpam, nkuăl Cư Mgar ân gi\t, năm 2016 geh n’gâng kan kơl an 40 rkeh, rnăk rgop tay geh ndâk nkra ngih. Rhơn lơn lah n’gâng kan hôm pơk trong nơih ân nô pơk ntu\k tăch dak tao êp nê đo\ng. Rnơm geh ngih gu\, geh kan pah, tâm gleh năm ma rnăk nô Trần Thái Hiệp rklaih luh ach o, a[aơ nsôih leo văng sa bah rnăk vâl hun hao tay:

            ‘A[aơ nau geh rđil đah nau kơp nsum ê geh tâm ban ma bu, yơn rđil đah nau geh văng sa rnăk vâl ri nar lơn ma hao. A[aơ gâp dôl ma mi\n pơk hvi nau pah kan jan sa gay ma n’hao săk geh ân rnăk vâl”.

            Wa Phan Bá Sáu, Kruanh Uỷ ban Mặt trận Tổ quốc Việt Nam xã Ea Kpam, nkuăl Cư Mgar, ân gi\t, ti\ng rnoh geh tă bah bôk nau kan têm nkrem 1000 rbăn/nar ri ăp rnăk geh kơl an 40 rkeh. Rnoh prăk aơ ê to\ng gay ma ndâk ngih ân nâp, yor ri, xã ntru\nh ndâk tay kơl an ân âk rnăk êng gay ma geh ngih gu\:

            ‘Geh tơm prăk bah n’gâng kan ba lơ ri phung hên bonh đă rnăk vâl, bonh đă rnoi mpôl, đah âk ntrong . Kơt lah ăp nu\ih geh nau kơl an tâm thôn 6 mô geh prăk gay ma manh đôr lor ri phung hên đah âk nau kuăl jă ăp nu\ih geh nuih n’hâm lo\ng. Hôm ăp rnăk bu ko\ geh oi prăk mô lah geh oh nô, băl mpôl geh nau dơi ri phung hên bonh đă oh nô, băl mpôl kơl ntop tay, jêh ri kuăl jă nsum mpôl [on lan kơl an gay jut bah ngih truh sat ân ăp rnăk ach o”.

            Wa Hoàng Ngọc Kênh, Groi Kruanh Rnâng kan tuyên giáo nkuăl uỷ Cư Mgar, n’gor Dak Lak ân gi\t bôk nau kan rgum rgop prăk kơl an nu\ih ach o tâm nkuăl geh ntru\nh dnrel ma nau rđau mrô 03-CT-TW (a[aơ jêng nau rđau mrô 05-CT/TW) bah Bộ chính trị mpeh nau ntru\t dăng nti\m nti ndrel [ư ti\ng nau mi\n, nau rêh, nau kan bah Hồ Chí Minh. Ti\ng nê, ntơm năm 2012, lam nkuăl ho\ têm nkrem ti\ng nau kan bah Wa, bonh đă ăp cán bộ, đảng viên, công chức, viên chức nu\ih pah kan [ư têm 1000/nar. Đah rlau 5000 nu\ih đảng viên, cán bộ, công chức, viên chức, tât rnôk aơ rnoh prăk têm geh bơi tât 134 rmen. Bah nê, kơl an nkra mhe ndrel nkra tay rlau 550 ngih ân ăp rnăk ach o, dơi kơl. Wa Hoàng Ngọc Kênh, ân gi\t, nkuăl Cư Mgar dôl ma geh tay ăp nau kan mhe gay bôk nau kan têm nkrem 1000 ân geh săk tam:

            ‘ Tâm nau nti\m nti, pah kan ti\nh nau Wa ri nkuăl Cư Mgar geh ăp nau kan ngăn n’hêl ndrel săk tam. Tâm nê ân geh kơp tât bôk nau kan rgop tơm prăk du rbăn/nar, gay jêh ri geh tơm prăk kơl an ân ăp rnăk dơi kơl, rnăk ach o rklaih geh ngih gu\. Rơh a[aơ ri nu\ih râng nau rgop tơm prăk du rbăn/nar ho\ geh pơk hvi, yor aơ lah nau kan geh du\t n’hâm ueh, nau rêng bah nau kan nar lơn têh. Êng cán bộ, công chức ri a[aơ n’ăp ma đảng viên tâm [on lan ko\ dôl ma râng ti\ng nau dơi bah nơm”.

            Nti\m nti, kơt ti\ng nau ueh ang bah Wa Hồ mpeh nau têm nkrem, nsum ty kơl an nu\ih ach o tâm nkuăl Cư Mgar ho\ ndrel ma dôl hăn ngăn tâm nau rêh đah ăp nau geh ueh ngăn geh kơp dơn. Đah nau nsum ty bah lam ăp cán bộ, đảng viên, công chức, viên chức bah nau kan têm nkrem prăk du rbăn/nar, âk rhiăng rnăk ach o ho\ geh ngih gu\ đăp mpăn, ăp nhoat hun hao tâm nau rêh./.

                                                Nu\ih rblang: H’Thi