VOV4.M’nông: Tâm ăp năm dăch aơ, tâm nkuăl Tây Nguyên vay geh bri mih nar tata ndal, mô tă vay saơ, tih đah nau vay, ho\ [ư khuch âk mpeh kon nu\ih ndrel drăp ndơ. Năm aơ bol ma tâm rnôk aơ mhe knu\ng ntơm bôk yan mih, yơn n’gâng kan ndrel [on lan ăp n’gor tâm nkuăl ho\ rvê đah ăp nau tât ndal.

Nkre tâm ăp tơ\ mih yân rah tâm bôk khay 3 ndrel n’gul khay 5 ho\ lơh khuch khat âk mpeh drăp ndơ tâm nkuăl [on têh Kon Tum, n’gor Kon Tum. Tâm ăp xã Đăk Năng, Ngọc Bay, Đoàn Kết…mih tu\p pler ndrel ma sial vănh blông ho\ lơh chôt, plôk chor nklăp 200 ngih [on lan, rlâm du ngih r[u\n dôl ndâk nkra, 2 ngih jong ndrel klôn mpăr tôl âk jrâu nti. Sial vănh blông [ư âk jêt sa cao su chot pă, khuch khat mpeh văng sa đah nu\ih [on lan du\t têh. Nô A Do Le ta Plei Rơ Wak, xã Đăk Năng hôm ê bah nau ndrat klach yor sial vănh blông tâm măngg 16/5 ho\ [ư chôt du ha cao su dol ma geh kor rtăk:

‘Sial vanh blông ndrle ma n’hach jur. Jêh nê [ư sial têh păng klôn ntu\k trong ri nơm mô gi\t ôh. Ngih u\nh jêh ri âk ntil mpăr le\ ro. Tơm si chôt pă lă lêng gâp saơ klach rvê ngăn ri gâp mô janh pơk mpông ôh. Nua khuch khat du\t têh đah rnăk vâl ri rngot ngăn manưg mô dơi janh hăk bi\bh. Rvê nau geh bah rnăk vâl mô gi\t mhâm geh nsing tâm moh ndơ. Rnơm tâm tơm cao su a[aơ ri cao su lo\ chôt kơt aơ”.\

Bol ma n’gâng kan ăp gưl bah n’gor Kon Tum ho\ nchrăp lor tâm nau ndâk ăp nau kan njrăng, n’gang, ntru\nh mbơh nau [ư ân rjăp nau kan 4 ta ntu\k. Yơn yor trong hăn jêr, âk ntu\k geh nau khuch, nau tât bah dak lip, dak chroh, rluh neh âk yor ri ma khuch khuch lah nau jêr der tâm yan mih năm aơ

Đăk Glei lah nkuăl ach o, rnoh geh tơm prăk ngih dak lôch năm knu\ng 21 rmen, yơn nau khuch khat yor trôk nar lơh ho\ rlau n’gul. Tât tâm yan mih năm aơ, hôm mô đê| nau khuch bah năm ntơm nơh ê jêh rklaih le\. Yor ri rnoh neh, kol trong mra tât tâm ăp trong bah nkuăl hăn ăp xã: Đăk nhoong, Đăk Blô, ăp trong hăn tă bah n’gor tât ăp xã: Đăk Choong, Ngọc Linh…Wa Trịnh Xuân Lộc, Groi kruanh UBND nkuăl Đăk Glei, ngơi:

‘  Nau jêr ma nơm saơ nkre yor ntu\k trong yôr chrăng, trong tama nkhah. Ăp trong hăn mra geh nau khuch ngăn yor mih têh jo\ jong ndrel ma rluh neh [ư kol trong hăn. Tal bar lah [ư dak lip băm tâm [on lan. Tal pe lah khuch tât ndoh ndơ tuch tăm. Mpeh nau jêr bah nkuăl đo\ng nê lah tơm prăk gay ma kơl an, rklaih nau kan kơl an rnôk tât khuch, tât jêr ri mô âk”.

Ndrel đah ăp trong hăn tă bah n’gor, nkuăl tâm 3 nkuăl: Ddăk Glei, Tu Mơ Rông ndrel Kon Plông mra geh nau kol trong tâm rnôk lah geh mih têh. Tâm n’gor Kon Tum, ăp trong têh kơt trong Hồ Chí Minh, Quốc lộ 40B, Quốc lộ 24, trong Trường Sơn Đông nthoi Kon Tum đah Miền Trung ndrel ăp n’gor Tây Nguyên ko\ geh nau tâm nkhah yor rluh neh ndrel dak lip tâm yan mih. Êp nê hôm nau kan gay đăp mpăn ân ăp nglau n’gar dak 175 ntu\k trong n’hoch, geh 71 n’gar dak, 97 dak bât, 7 trạm pom điện ko\ lah nau kan tât jêr. Wa Nguyễn Hữu Nghĩa, Kruanh jrâu kan kỹ thuật Rnâng kan mât do\ng ăp nglau hoch dak n’gor Kon Tum, ngơi:

‘ Ăp ntu\k trong dak hoch a[aơ geh tâm lam 9 nkuăl, nkualư [on têh bah n’gor. Yor ăp ntu\k trong dak hoch nê ngai ndrel ăp trong hăn tata ri geh yôk prêh, jur sop đo\ng yor ri ma jêr hăn ro, mêt uănh. Tal bar lah apư ntu\k trong dak hoch ho\ ndâk nkra tă bah jo\ ân tât rnôk aơ hôm ê geh ntuh kơl nkra mhe ri di\ng geh djơh khuch âk ngăn. Mặt êng mpeh tơm dak bah ăp ntu\k trong dak hoch aơ ri  tơm si ho\ kăl le\ mpeh tu yor ri ma rnôk geh mih âk ri neh bo\k ndrel ma choih, tơm si n’hoch yur nglau dak âk ngăn, jer tama nau pă  dak, pơk dak tâm rnôk geh mih dak lip”.

Nau ngăn ân saơ, ăp năm dăch aơ, nkuăl Tây Nguyên lah nsum, n’gor Kon Tum lah êng vay geh khuch ndrel khuch nkre tă bah ăp tơ\ mih n’hach jo\ nar ndrel phu\t. Tâm rnôk nê, trong âk yôk, âk sop, tâm nkhah âk lo\ geh âk nkuăl [on lan, trong hăn tâm ntu\k nơih geh dak lip, dak rchoh, rluh neh yor ri ma năm aơ, bol ma mhe tâm bôk yan mih, yơn nau tât khuch ho\ mra geh tât đah n’gâng kan ndrel [on lan tâm nkuăl./.

Nu\ih rblang: H’Thi