VOV4.M’nông: Bri duh nar jo\ jong, nglau dak kroh suăt, [ư ân mir tơm tăm bah âk rnăk tâm nkuăl Lạc Dương, n’gor Lâm Đồng rvê yor biăp, kao kro, mô hôm geh prăk.

            Ta nglau dak Đan Kia-Suối Vàng, nkuăl Lạc Dương, nu\ih [on lan ho\ kuih ntu tâm nglau dak suăt gay ma to\ kao. Nô Lê Văn Kỳ tâm Tổ dân phố Đan Kia, nkuăl têh Lạc Dương ân gi\t, ê mâp geh năm ma nglau Đan Kia, Suối Vàng lo\ geh suăt dak kơt năm aơ:

            ‘A[aơ yan vai aơ ri phung hên tâm ndơn gay ma jur nglau dak kuai ntu, joi dak. Geh du đê| nu\ih bu manh máy gay ma joi dak to\. Lah a[aơ dak to\ kao ma geh dak bo\k ri kao mra djơh le\. Nu\ih tăm kao ngăn lah rnơm ma dak, lah mô geh dak ri ngăch ngăn geh nau khuch ân kônh wa”.

            Nau geh tâm kơt ma nê dôl geh tâm nglau dak mrô 7, nkuăl têh Lạc Dương. Wa Nguyễn Đình Nhạc, tâm Tổ dân phố Đăng Lèn, nkuăl têh Lạc Dương rvê, rlau du ha neh bah rnăk vâl ho\ lơi dơm, yor byăp kao ko\ do\ng dak kloh mơ dơi geh tăch:

            ‘Neh mô geh dơi tăm yor mô geh dak to\. Geh nglau dak mrô 7 yơn a[aơ mô geh mih yor ri ma mô geh dak to\, khuch ngăn tât nau tuch tăm bah rnăk vâl. A[aơ nglau suăt, rnăk vâl hên dôl ma manh nu\ih khoan ntu dak”.

            Wa Nguyễn Duy Hưng, Groi Kruanh jrâu kan Tuch tăm ndrel Hun hao [on lan nkuăl Lạc Dương, ân gi\t, a[aơ du gưl ăp dak têh, dak nglau tâm nkuăl ho\ kro suăt. Êng nkuăl têh Lạc Dương, rlau 80 ha byăp, kao ho\ mô hôm dak to\. Nau kan du ntrong a[aơ lah nu\ih [on lan ân geh têm nkrem dak, tâm pă dak to\ gay ma tâm kơl rlet rlau nau jêr:

            ‘Bah năp nau duh phang, Jrâu kan Tuch tăm ndrel Hun hao [on lan nkuăl ho\ tâm rgop nsum đah ăp nkuăl gay ma nkoch mbơh ân [on lan nsôih kuai ntu tâm ăp jăng dak gay ma so\k dak. Kônh wa tâm pă dak tă bah ntu khoan. Jrâu kan tuch tăm ntru\nh nau bonh đă [on lan kuih ntu jê| gay ma têm dak”./.

                                     Nu\ih rblang: H’Thi