VOV4.M’nông: Lâm Đồng hôm lah ntu\k tât đăp mpăn rnôk mô ho\ năl geh nu^h ntưp nuh srê Covid 19. Yơn lah ntu\k bah rnôk geh nuh srê ji môr trong n’hôr n’hâm ndal ntoh luh, nău kan bah n’gâng kan pâl nđaih n’gor Lâm Đồng hu\ch mô ho\ tă saơ, âk ntu\k hăn uănh pâl nđaih, khách sạn, trong pâl nđaih kơt lah lêt nho n’hanh rngơt năch.

            Ta nkual [on têh Đà Lạt, bah ăp ntu\k hăn pâl nar ngăn way âk mpưm nu^h kơt Mir kao nkual [on têh, Thung lũng tình yêu, Đồi mộng mơ…tât ăp ntu\k pâl rlưn mô lah ăp khách sạn, jay ngêt sa, a[aơ rngot rngăt, mô mpơl du hê năch. Nô Nguyễn Đình Quân Huy, Giám đốc nkual rlu rlău Green Land, ta phường 3, nkual [on têh Đà Lạt, an g^t: Ntơm nơh ăp nar nkual rlu rlău wơt hang rbăn năch tât pâl nđaih, jrô manh gu\ b^ch năch dăn lor le\ ma khay mơ dơi dăp rgum. A[aơ ri năch ton mbro, lơn lah năch dak bah dih rngot rngăt ngăn.

            “Rđ^l đah ăp năm nô nău năch pâl nđaih hu\ch ngăn mpeh rnoh âk hăn uănh pâl le\ ma năch dăn joi jrô gu\ b^ch. Êng mpeh năch dăn manh jrô b^ch rlu rnoh âk năch mô hoch hăn nar lơn ma âk, r^ng du nar geh 2 tât 3 jrô năch dja năch dăn mplơ\ tay. Đah rnoh âk năch hăn uănh pâl hu\ch bơi du n’gul rđ^l đah năm e nơh, rnoh âk năch dak bah dih hu\ch 70 tât 80%”.

            Wa Nguyễn Trần Thiên Ân tơm khách sạn New Life ta trong Đống Đa, nkual [on têh Đà Lạt nkoch: 64 jrô ho\ dơi năch dăn lor bah năp tết. ndr^ ma mô ho\ tât du khay, khách sạn ho\ m^n tât koh n’hu\ch đêt nu^h kan yor năch dăn mplơ\ tay jrô b^ch mbro.

            “Rnôk geh nuh srê ntoh luh năch dăn mplơ\ tay jrô b^ch du\t âk, năch dak bah dih, tâm dak hu\ch ngăn. Ăp năch dăn lor jrô b^ch bah khay 11, khay 12 tât khay 1/2020 khân păng dăn mplơ\ tay jrô b^ch [ư khách sạn hu\ch rlău 70% rđ^l đah năm e nơh. Ta năp nô nău nuh srê dja, mpôl hên dôl m^n tât an nu^h kan rlu n’hanh hu\ch tay nar pah kan”.

            T^ng nchih rgum bah n’gâng kan pâl nđaih n’gor Lâm Đồng, tâm 6 nar Tết Nguyên đán, rnoh âk năch hăn tât Lâm Đồng hao 8% rđ^l đah ndrel khay dja năm 2019. Rnôk dja dôl tâm khay pâl nđaih bah năch dak bah dih, yơn tât khuch bah nuh srê Covid-19, tât khay 2 dja, kơp êng ta 14 khách sạn bah 3 sao let lơ, năch ho\ dăn mplơ\ 10 rbăn jrô gu\ b^ch. Nchih rgum bah ăp công ty leo pâl hăn jong nar, ri rnoh âk năch hu\ch, mô hoch hăn rđ^l đah ndrel khay dja năm e nơh hao tât 90%. Wa Nguyễn Thị Bích Ngọc, Groi Giám đốc Sở Văn hoá- Thể thao n’hanh Pâl nđaih n’gor Lâm Đồng, an g^t, nhih pah kan dơi kan n’hanh ăp đơn vị dôl joi trong nkra tâm di gay ndơ\ pâl nđaih rlău rơh jêr jo\t:

            “N’gâng kan pâl nđaih mbra [ư ăp rơh mâp gay r[ah g^t ăp roh hoach bah t^ng đơn vị gay nchih rgum tay ăp roh hoach bah he. Tâl bar đo\ng lah mpôl hên u\ch uănh tâm rnôk njrăng n’gang nuh srê, ăp đơn vị mâp moh ntil ndơ jêr jo\t. Ndrel đah nê uănh ăp doanh nghiệp geh moh ndơ nău dăn đă an n’gâng kan gay ntop kơl an doanh nghiệp tâm trong [ư bah jêr jo\t tât khuch an tay bah kơi n’hanh geh ăp trong r[o\ng an doanh nghiệp tâm let năp tay”.

            Đah Lâm Đồng, an [ư lor du\t têh a[aơ hôm lah nău đăp mpăn an nu^h [on lan n’hanh năch pâl nđaih bah năp nuh srê đo\ng. Ăp ntu\k rho\ do\ng pâl nđaih ho\ an [ư âk trong nkra puh nkh^t kaman, rvăt năp dak puh nkh^t kaman, phăt bok put mbung, weh duh săk an năch pâl nđaih đăp mpăn njrăng n’gang nuh srê Covid-19 t^ng trong nt^m nti. N’gor Lâm Đồng ho\ an rlu le\ rngôch nău kan lễ hội n’hanh thể thao tâm khay 2/2020 gay đăp mpăn pah kan njrăng n’gang nuh srê./.

 Nu^h nchih rblang: Điểu Thân