VOV4.M’nông: Ndrel đah nau kan mât nâp nâl nau [ư tơm huêng khlay bah neh dak, ăp năm rlau aơ, rlet rlau nau jêr jo\, cán bộ, tahen Đồn Biên phòng Nậm Na, N’gâng kan rđau tahen Biên phòng Dak Nông gu\ kan tâm xã Dak Will, nkuăl Cư Jút ho\ nsum ty, rgop n’hâm kơl ân âk rnăk tâm xã Dak Wil hun hao văng sa, jut n’huch ach o. Ăp nau kan bah apư nô ho\ lơi ân ba kơi tâm nuih n’hâm [on lan ăp nau jru ueh, ngăn lah jêng ntu\k nsing rnơm nâp nâl bah kônh wa tâm nkuăl n’har bri

Ntoh ngăn kơt rnăk nô Lý Văn Nàm, ta Thôn 11, xã Dak Will geh 5 sào tiêu le\ khi\t hêng, nau rêh văng sa mâp âk nau jêr jo\t, gay kơl an rnăk nô Nàm rlet rlau nau jêr, rlet rlau tâm nau rêh. Đồn Biên phòng Nậm Na ho\ kơl an rnăk nô Nàm du mlâm ndrôk me, jêh bơi tât du năm mât rong ri tât rnôk aơ, ndrôk rnăk nô Nàm nchrăp deh kon. Mô dơi mpôn nau rhơn, nô Nàm nkoch mra mât chăm ndrôk ân ueh gay ma geh âk lơn ndrel ơm rklaih luh nau ach o, mô geh [ư mô ueh nau kơl an bah cán bộ, tahen Đồn biên phòng Nậm Na:

‘Đồn Nậm Na kơl an gâp du mlâm ndrôk gay ma mâp hun hao văng sa, gâp ton đah ăp nô tahen lah gâp mra mât chăm ndrôk ân ueh, ân păng deh âk kon gay ma rgâl dơi ueh lơn nau rêh bah rnăk vâl”.

Gay kơl nu\ih [on lan jut n’huch ach o, ji ngot, pôih tahen Nậm Na ho\ bonh đă [on lan snôih gay ma hun hao tuch tăm ti\ng trong hăn mhe. Du hê cán bộ, đảng viên, tahen jur tâm dâng ân git năn kloh nau kan ndrel kơl an nu\ih [on lan săch tơm tăm, mpa rong ân tâm di đah nau geh jêng bah nkuăl, nti\m nti nau kan mât chăm tuch tăm âk kônh wa kơl kônh wa hun hao văng sa.

Năm 2014 ko\ rnơm pôih tahen Nậm Na kơl an du rkeh prăk rvăt kon ka ntil, rnăk nô Tống Hồng Sơn ta xã Dak Will ho\ ăp nhoat rlet rlau nau jêr jo\t. A[aơ êng nau mât rong ka, nô Sơn hôm rong tay rke bri, tăm tơm sa play, rnơm nê ma nau rêh ho\ geh âk nau rgâl mhe:

“ Dôl ma jêr jo\t ri ko\ geh pôih tahen Nậm Na kơl an tưm prăk yor ri ma rnăk hên ko\ ntuh kơl gay ma rong ka, nau geh tă bah ka ri hên lo tăm tay tơm sa play ndrel tăm tơm si, rong ka, rong sur ri tât rnôk aơ ko\ geh đăp mpăn, bah oi nau jêr rđil bah năp nơh”.

Xã Dak Wil , nkuăl Cư Jút geh 2.240 rnăk, bơi tât 10 rbăn nu\ih, lam xã geh 14 rnoi mpôl oh nô ndrel gu\ rêh. Ăp năm rlau aơ, rnơm geh cán bộ, tahen Đồn Biên phòng Nậm Na kơl an, âk jêt rnăk ach o tâm xã ho\ geh nau rêh jêr jo\t. Cán bộ, tahen Đồn Biên phòng Nậm Na hôm nsôih mât nkuăl, bonh đă kônh wa nsôih pah kan jan sa gay ma hun hao văng sa, râng nau mât rnă njrăng nkuăl n’har bri, mât njrăng bri, mô ân geh rlet n’har bri tih dôih.

Ti\ng thiếu tá Lương Đình Hùng, Chính trị viên pôih tahen Nậm Na, ntu\k kan geh nau kan mata nkuăl n’har bru jong 10,5 km, tâm dăch ma xã Krông Te-nkiăl Bét Chăn Đa- n’gor Muldulkiri-Campuchia. Gu\ kan tâm nkuăl jru ngai, mâp âk nau jêr, yor ri nau kan kơl an [on lan rlet rlau nau jêr jo\t lơn ma geh uănh khlay:

‘Êng nau kan mât đăp mpăn nkuăl n’har bri, tâm rơh rlau aơ rmôt kan bah hên rgum ntru\nh âk nau kan kơl an nu\ih [on lan hun hao văng sa, tâm nê ntu\k kan ntru\nh geh 2 nau kan gay ma kơl an [on lan nê lah pă ndrôk me ntil ân ăp nu\ih ach o tâm nkuăl n’har bri, bôk năp lah ntru\nh pă 2 mlâm ndrôk ân 2 rnăk vâl ân tât rnôk aơ ho\ lah 4 năm geh [ư ri phung hên saơ lah ndrôk ho\ deh kon geh 8 mlâm ndrel phung hên pă tâm pleh ân ma 4 rnăk êng, lo\ tât năm 2020 mra pă ân ăp rnăk êng đo\ng, êng nê phung hên hôm [ư nau kan mât rong ka dak nju\ng kơl an ăp rnăk ach o tâm nkuăl n’har bri”.

Ăp nau tă geh bol ma ê geh âk, yơn ho\ pơk trong nơih ân ăp nu\ih [on lan tâm nkualư n’har bri gu\ rjăp lơn tâm nkuăl n’har bri, rlet rlau gay jut n’huch ach o, ji ngot, ndrel đah rmôt tahen biên phòng mât nâp nau geh jêng rnă njrăng lam [on lan nâp nâl, rgop nau mât đăp mpăn nau [ư tơm, đăp mpăn nau geh jêng bah nkuăl n’har bri bah neh dak./.

                                    Nu\ih rblang: H’Thi