VOV4.M’nông: Lơ 30/8, ta Thủ đô Viêng-chăn, Lào, Đại tướng Hun Manet, Groi rđau kan tahen, Tư lệnh Lục quân Hoàng gia Campuchia hŏ geh nar pah kan đah Thượng tướng Khăm-liêng Ụ-thạ-cay-sỏn, Kruanh n’gâng kan tâm nchră nau Tahen ƀon lan Lào. Bar ding tâm nchră mpeh ăp nau kan văng sa ndrel nkuăl ndrel uănh khlay kŏ kơt lah nau nchră tât nau tâm boh neh dak đah bar dak tâm rơh rlau aơ. Bar ding kŏ tâm ban nau n’hao nau tâm boh hun hao văng sa đah tahen ƀon lan Lào ndrel Tahen Hoàng gia Campuchia, tâm nchră bôk nau kan kơl an, kơl nŭih khuch rmanh 3 dak Lào-Campuchia-Việt Nam; n’hao nau tâm boh tâm nau njrăng, rdâng phung tih dôih ma tuý, tih dôih rloh rlau n’har bri. Êng nê, bar ding hôm tâm nchră, nchră ăp nau kan gay ma rklaih nau nkol, ndâk nkuăl n’har bri đăp mpăn, tâm boh ndrel hun hao./.

Nŭih rblang: H’Thi