VOV4.M’nông - Nar 30/8, du rmôt ntoh măt bah Ngih pah kan ŭnh nar nguyên tử quốc tế lĕ tât Ki-ep, Ucraina lor rnôk tât uănh nđôi n’hanh uănh lah ngih măy điện Zaporizhhia. Mpôl ntoh măt uănh nđôi ngih pah kan ŭnh nar nguyên tử quốc tế yor wa Rafael Grossi, Tổng Giám đốc leo trong geh nău kan uănh lah ăp nău khuch bah nău kan tahen dăch aơ ƀư an ngih măy Zaporizhhia. Bah meng nĕ, ăp nuĭh uănh nđôi mbra uănh lah nău khuch đah nuĭh, uănh lah ndơ dơi pah kan aƀaơ bah ăp nuĭh kan ta ngih măy nkre năl nău kan tŏng ăp rnă njrăng n’hanh đăp mpăn ta aơ. Nga n’hanh Ucraina na nao tâm ntôn ndra ƀư pănh pháo tâm nkual ngih măy điện hạt Zaporizhhia, jêng tât ăp nău đă Ngih pah kan ŭnh nar nguyên tử quốc tế uănh ngăn ta ntŭk aơ. Nuĭh ntoh ngơi Điện Kremlin-wa Dmitry Peskov an gĭt Nga nchrăp kan ndrel đah mpôl ntoh măt bah IAEA.

Nuĭh rblang: Y Sưng Phê Ja