VOV4.M’nông- Tĭng nău mbơh bâh ntŭk kan rnă njrăng ta nkual n’hanh njrăng nău sa nkhiăn sa ƀer nkuăl ƀon têh Matxcơva-Nga, rlău 13 rbăn nuĭh mbra tât râng mât đăp mpăn rnă njrăng tâm nar ntơm lăp năm nti mhe 1/9 n’hanh rơh săch đại biểu nkuăl ƀon têh bâh nar 9 tât 11/9. Ta nar 1/9, năm  nti mhe mbra ntơm ta 5 rbăn ntŭk ntĭm nti ta Matxcơva lĕ geh uănh năl nău dơi njrăng mpôl rlăng n’hanh mât đăp mpăn an lah, trong uănh nđôi video, ndơ dŏng uănh năl năch tât ăp ngih prêh n’hanh ntŭk ôp mbơh nău ndal an ăp mpôl cảnh sát dôl pah kan. Nkre lah, tâm rnôk nchrăp kan n’hanh leo ƀư ăp rơh săch đại biểu nkuăl ƀon têh, du đê̆ trong kan njrăng ƀư rlăng lĕ geh nchrăp lor. Ăp ntŭk nklăch phiếu mbra geh ăp nuĭh kan tế bào học uănh năl, nău hăn nsong bâh ƀon lan mbra geh leo ƀư đah trong dŏng ăp trong pă máy uănh năl loih kău.

Nuĭh rblang: Thị Đoắt