VOV4.M’nông - Tĭng N’gâng kan mât njrăng bri dak Nga, rơh nti tahen “Phương đông 2022) mbra dơi ƀư bah nar 1-7/9, ta 7 ntŭk nti bah Quân khu mpeh Đông, đah tât râng bah rlău 50 rbăn tahen. Aơ lah rơh nti ntĭm rđău n’hanh tâm ôp tâm nchră đah nău ƀư ngăn tiăr nti ăp nău ƀư njrăng rdâng n’hanh rdôl lơh ta 7 ntŭk nti bah Quân khu mpeh Đông, kơt ta ăp nkual dak lêng n’hanh nkual mper dak lêng bah dak lêng Okhotsk n’hanh dak lêng Nhật Bản. Tâm rnôk nti, rnoh nchrăp bah ăp ngih pah kan ntĭm rđău n’hanh uănh nđôi tahen mbra dơi uănh nđôi tâm nău ƀư ndâk njêng trong nchrăp tâm lơh ta ăp nkual mper dak lêng, ntop kơl n’hanh uănh nđôi lĕ rngôch ăp rmôt tâm rnôk nău kan tahen.

 Nuĭh rlang: Y Sưng Phê Ja