Bộ Công thương mhe geh nau ntrŭnh njoăl Sở Công thương ăp n’gor, nkuăl ƀon têh Tâm Trung ương ndrel rmôt kan Điện lực Việt Nam (EVN) mpeh nau ntrŭt dăng nau ƀư nau rđau mrô 20/CT-TTg bah Thủ tướng Chính phủ mpeh nau n’hao nau kan têm nkrem điện lvang năm 2023-2025. Tĭng n’gâng kan Công thương, ntrong pă điên bah neh dạk mpeh nau dơi hŏ tŏng điện ân nau hun hao văng sa, rêh jêng ndrel nau dŏng bah ƀon lan tâm ăp rnôk tâm năm.

Yơn lah tâm rơh tât, nau kan đăp mpăn điện nchrăp mbơh hôm âk nau jêr, ngăn lah tâm nkuăl mpeh ba lơ. Bộ Công thương đă, Sở Công thương ăp n’gor, nkuăl ƀon têh ndrel rmôt điện lực Việt Nam n’hao nau ƀư nau kan tâm ban, rjăp ngăn gay geh ăp nau kan dŏng điện têm nkrem ndrel săk tam, ngăn lah tâm rnôk ăp khay dŏng điện tâm yan duh nar ngăn (khay 4,5,6 ndrel 7) năm 2024; ntrŭt dăng nau ƀư nkoch trêng jru ngăn tât ăp nŭih năch mpeh nau kan dŏng điện đăp mpăn, têm nkrem ndrel săk tam bah ăp ntŭk nkoch mbơh nau, trong mạng xã hội./.