Ôi lơ 22/4, ta nkuăl ƀon têh Điện Biên Phủ, n’gor Điện Biên, Trung ương Hội Chữ thập đỏ Việt Nam tâm rgop nsum ma UBND n’gor Điện Biên ƀư khay kơl an gưl neh dak năm 2024, đah nkô̆ “Ntrong kơl an-pă nau ŭch rŏng”. Tâm khay kơl an năm aơ, ntơm lơ 1/5 tât 31/5, lam ntrong kan bah rmôt kơl an, nsôih kơl ân 100 rbăn nŭih. Tâm nar rgŏ jă, Ndơn ƀư Kruanh dak Võ Thị Ánh Xuân hŏ pă 300 nklâm prăk, rnoh 300 rkeh pă ân kon se nti rnoi mpôl đê̆ rlet rlau nau jêr, nti blau bah n’gor Điện Biên.

Hội Chữ thập đỏ Việt Nam kơp dơn, ryơk ăp ntŭk kan, rmôt kan, êng nŭih hŏ kơl an ndrel ton kơl an rnoh prăk rlau 480 rmen. Di rnôk aơ, Hội Chữ thập đỏ Việt Nam kŏ ƀư tơm, tâm grop ma ăp ntŭk kan kơl an ân 500 nŭih geh dơi kơl, nau rêh jêr jŏt tâm n’gor Điện Biên rvăt ndơ dŏng, đah phiếu rvăt 500 rbăn/phiếu ndrel ƀư Bôk nau kan yur mham kơl an, nkoch mbơh nau pă ân mô tạng kơl an, đah nau râng bah nklăp 500 nŭih./.