Ôi ntri (26/4), ta Cung Văn hóa lao động hữu nghị Việt – Xô dôl ƀư rơh Lễ rgŏ jă khay kan đăp mpăn mô tât khuch rmanh pah kan n’hanh khay công nhân năm 2024. Râng rơh rgŏ jă geh rlău 500 nuĭh ntơh măt ăp Bộ, ăp n’gâng kan, ăp nhih pah kan; ntơh măt du đêt n’gor, tập đoàn, nuĭh kan, sinh viên nhih nti nău kan.

Khay kan đăp mpăn mô tât khuch rmanh pah kan n’hanh khay công nhân năm 2024 mbra ƀư ntơm bah nar 01/5 tât 31/5/2024 lam dak đah nkô̆: “N’hao dăng mât đăp mpăn mô an geh tât khuch rmanh pah kan ta ntŭk pah kan n’hanh tâm rêng kan pă an tơm ndơ tăch” n’hanh khay Công nhân 2024 geh nkô̆: “Tâm rnglăp công nhân – An ƀư Nghị quyết”. Lah ta rơh Lễ rgŏ jă, wa Nguyễn Đình Khang, Kruanh Tổng Liên đoàn Lao động Việt Nam lah rjăp,  hun hao wăng sa nâp dăng nkre đah đăp mpăn an ăp nuĭh dơi pah kan tâm ăp ntŭk ƀư mô geh tât khuch rmanh an săk jăn, dơi mât chăm  mpeh nău rêh drăp ndơ, nuih n’hâm, lah rnoh di nsum tâm  hun hao jŏ jong n’hanh lăp rgum dak  bah dih./.