Aƀaơ lam dak geh bơi tât 25 rkeh oh kon se. Lĕ rngôch oh kon se ba dâng 6 năm deh n’hanh oh kon se dơn rnoh kơl ntŭk rêh jêng ăp khay geh ngih dak pă bảo hiểm y tế, bôk nău kan chuh n’gang pơk hvi bâh ngih dak lĕ geh ta lĕ rngôch ăp ntil văn xin geh dŏng, rnoh chuh n’gang tŏng ăp an oh kon se ba dâng 1 năm deh geh 97%, oh kon se 5 năm deh geh hăn nti mẫu giáo. Ngih dak mô sŏk prăk nti đah oh kon se nti mầm non, kon hoc nti phổ thông, nuĭh nti bôk nău kan ntĭm nti phổ thông tâm ntŭk kan ntĭm nti công lập n’hanh kơl an prăk nti đah oh kon se nti mầm non, nti phổ thông, nuĭh nti phổ tâm ntŭk kan ntĭm nti bah dih ngih dak,. Oh kon se geh nău rêh dŭt jêr jŏt geh dơn rnoh kơl an tâm di đah nău ŭch n’hanh nău dơi hun hao wăng sa rêh jêng ta ntŭk. Trong kan mbơh nău mât oh kon se mât ueh oh kon se 3 gưl geh : njrăng rdâng, kơl an, tât kan lĕ n’hanh dôl geh mbơh tơih săk rnglăy. Ta rơh rƀŭn nchră, ăp n’gor, nkuăl ƀon têh lĕ geh tâm nchră mpeh ăp nău dơi geh tâm pah kan ƀư tĭng nău kan mât kơl oh kon se ge lĕ rngôch lơn, Nglôch lôch rƀŭn nchră, groi thủ tướng Phạm Thị Thanh Trà lĕ lah na nê̆ ăp nău kŏ khan kơt lah nău tâm lơh n’hanh ƀư mô ueh đah oh kon se hôm nha âk, nuĭh tih ndeh ma oh kon se nhup kân oh kon se lơ ma âk...groi Thủ tướng đă an geh ƀư lôch tay nău kơl kan gay ma mât đăp mpăn rŏng ăp nău dơi mpeh nău rêh oh kon se, leo kan njrăng rdâng an bah ir geh nău tât mô ueh đah oh kon se.