Ntuh kơl rdâk njêng jay rgum ƀon nkre đah njrăng der bah dak bŭk ta ăp thôn, ƀon ta n’gor Dak Lak (rơh bôk năp) geh lĕ rngôch rnoh ntuh kơl 170 rmen prăk.

Nău ƀư gay jêng ngăn ngăn trong nchrăp bah Đảng n’hanh Ngih dak mpeh n’hao nău dơi njrăng, n’gang trôk nar lơh, đăp mpăn an nuĭh ƀon lan bah năp nău tât nar lơn ma krit jêr bah rgâl trôk nar, nkre lôch jêh ăp tŏng ntŭk ntô ndơ dŏng an nău rêh ƀon lan. Tĭng trong nchrăp, rơh bôk năp mbra ntuh kơl rdâk njêng 100 mblâm jay rgum ƀon nkre đah njrăng der bah dak bŭk ta 27 xã, phường. Ăp mblâm jay geh rnoh hvi rdâk njêng nklăp 220 m², rnoh hvi dŏng neh rlău 440 m², lah 2 dăp đah jrŏng bê tông n’gâng loih, rpaih loih nâp jŏ n’hanh lăk nkơng prêh bah lơ rlău rnoh tât dak bŭk. Ăp mblâm jay nchrăp mbra ƀư lôch jêh bah năp nar 15/9/2026, ngăch n’glăp dŏng bah năp khay mih phŭt năm aơ.