Lôch rlău 5 khay pah kan, 2 ngih jay gưl 4 lĕ geh ƀư lôch, pă jao an rnăk vâl wa H Bdia Bkrông, ta buôn Đrang Phôk n’hanh rnăk vâl wa Y Căn Na Đy Hra, ta ƀon Trí. Ăp ngih jay geh rnoh neh klâp ma 60mét vuông. Tâm nĕ, jay wa H Bdia Bkrông geh prăk ƀư 110 rkeh prăk, jay wa Y Căn Na Đy Hra lah 120 rkeh prăk. Ăp rnăk geh kơl an 80 rkeh prăk, hôm e lah yor rnăk vâl, nuĭh ƀon lan, băl mpôl tâm rgop nar kan rdâk njêng. Cán bộ, tahen pôih tahen n’har bri Srêpok n’hanh pôih tahen n’har bri Bo Heng lĕ kơl  nar  kan rdâk ƀư jay. Ta rơh pă jao jay, Đại tá Rơ Lan Ngân, Groi Chính ủy rnâng kan leo kan tahen n’har bri n’gor Đăk Lăk lah na nê̆, mât kơl nău rêh ƀon lan lah nău kan na nê̆ dŭt khlăy ntop ndâk njêng nău knơm ƀon lan, rdâk njêng nkual n’har bri nâp nâl. Nkre lah, ŭch ăp rnăk vâl an geh ntop nsrôih tay nău pah kan jan sa, hun hao wăng sa, nsrôih ndrel đah n’gâng kan n’hanh tahen n’har bri tât râng mât nău ƀư tơm, rnă njrăng n’har bri ngih dak.