Kêng măng lơ 10/11, đah nău leo kan bâh Kruanh Quốc hội Trần Thanh Mẫn, Uỷ ban rnâng kan Quốc hội lĕ geh ƀư tay rơh 2, rơh rƀŭn nchră tal 8 an tâm rgop mpeh nău mbơh rblang, dơn nău tâm rgop, rgâl nkra đah rmôt 3 nău nchrăp kan: Luật tăch rgâl drăp ndơ mhe rgâl, Luật rgâl mhe ntop du đê̆ nkô̆ bâh Luật Điện lực, Luật rgâl mhe ntop du đê̆ nkô̆ bâh Luật ntuh kơl, nău rgâl nkual neh mât kan hành chính đah nkuăl ƀon têh Hà Nội n’hanh n’gor Phú Thọ. An tâm rgop mpeh rmôt 3 nău nchrăp kan: Luật tăch rvăt drăp ndơ nsum mhe rgâl, Luật rgâl mhe, ntop du đê̆ nkô̆ bâh Luật Điện lực, Luật rgâl mhe, ntop du đê̆ bâh Luật ntuh kơl, kruanh Quốc hội Trần Thanh Mẫn lah na nê̆, nkô̆ mpŏng ŭch nglâ̆ dŭt rnôk Quốc hội an dŏng kan, mbơh tơih dơn gĭt, mbơh rblang an geh ƀư lôch. Lah na nê̆, lĕ pe nău nchrăp luật dŭt khlăy, kruanh Quốc hội Trần Thanh Mẫn dŭt uănh khlăy mô an geh nău kan mô ueh mô jăp, nău kan ueh êng du rmôt tâm ăp nău nchrăp Luật aơ, mô yor nău geh êng bâh du hê nuĭh, du ntŭk kan ma nău rgâl mhe ta aơ lah nău hun hao bâh neh dak.