Tổng Bí thư, Kruanh dak uănh lah prêh ăp nău ƀư ntuh kơl tăch rgâl geh săk rnglăy bah ăp tập đoàn, doanh nghiệp Nhật Bản ta Việt Nam tâm ăp năm bah năp. Tổng Bí thư, Kruanh dak đă, ăp tập đoàn têh bah Nhật Bản mô knŭng pơk hvi nău ƀư tăch rgâl, ma kan ndrel nsing nơm tay, jŏ jong, ndrel Việt Nam Hun Hao ntung trong công nghiệp, ŭnh nar, ntŭk ntô tăch rgâl âk nău kan n’hanh ăp trong khlay mhe ta Việt Nam.

Tổng Bí thư, Kruanh dak an gĭt, Việt Nam dôl ntơm lăp lvang hun hao mhe, nsrôih ƀư tĭng nău rƀŏng jêng dak hun hao, geh prăk âk tâm năm 2045. Gay ƀư tĭng nău rƀŏng nĕ, nău ŭch rgŏ jă tơm prăk an hun hao ntung trong têh, ŭnh, khoa học công nghệ, rgâl kloh ueh n’hanh n’hao dơi tâm rlong bah jâng wăng sa lah dŭt têh. Việt Nam lôch jêh trong ƀư, rgâl ntŭk ntuh kơl tăch rgâl; tŏng ăp đăp mpăn wăng sa têh, mât njrăng nău dơi n’hanh nău geh tâm di, tâm di bah nuĭh ntuh kơl, nta nơih an ăp doanh nghiệp dak bah dih pah kan săk rnglăy, jŏ jong ta Việt Nam.