Rklaih ăp ntŭk kol, n'hao ueh nău kan njêng tơm n'hanh lăp đảng viên tâm kon se nti, sinh viên n'hanh nkual văng sa êng bah dih ngih dak lah nkô̆ nău khlay dơi tâm nchră ta tâm nchră yor N’gor ủy Lâm Đồng ƀư ôi 11/11. Lam n'gor Lâm Đồng aƀaơ geh 100 ntŭk kan đảng ta ăp ngih săm ƀŭt đại học, cao đẳng, trung học phổ thông đah rlău 5.000 đảng viên; 138 mpôl kan đảng tâm nkual văng sa êng bah dih ngih dak đah bơi 1.750 đảng viên.

Ntơm bah khay 7/2025 tât aƀaơ, Lâm Đồng hŏ lăp 878 đảng viên lah kon se nti, sinh viên n'hanh 185 đảng viên tâm nkual văng sa êng bah dih ngih dak. Ta rơh tâm nchră, ăp ntoh măt tâm ôp nău tă ơm gĭt kan, dăn đă trong nkra njêng tơm nuĭh kan bah ơm tâm kon se nti, sinh viên; n'hao dăng tâm boh đah ngih sam ƀŭt n'hanh n'gor; rgâl mhe trong hun hao mpôl kan đảng, đảng viên tâm ăp ntŭk ƀư nau kan tăch rgâl njêng êng./.