Tâm rnôk hăn khâl, Tổng Bí thư, Kruanh dak Tô Lâm hŏ rgum nchră ndrel Thủ tướng Nhật Bản Takaichi Sanae; lah ta Quốc hội Nhật Bản, khâl n’gor Kanagawa; Mâp nuĭh rnâng kan, nuĭh gĭt blău, nuĭh khoa học ntoh lư nuĭh Việt Nam ta Nhật Bản; Rgum nchră bah dih tâm trôm ngih dak mpeh tâm boh wăng sa n’hanh khoa học công nghệ Việt Nam-Nhật Bản; Mâp du  đêt mpôl kan prăk kaih têh dâk bôk năp Nhật Bản n’hanh ƀư âk rơh mâp gưl têh khlay êng ƀa ƀă.

Tổng Bí thư, Kruanh dak Tô Lâm n’hanh Thủ tướng Nhật Bản Takaichi Sanae tâm ban ŭch n’gluh an dŏng nău mbơh nsum Việt Nam-Nhật Bản gay ntrŭt ntrôl tâm boh “Têh jong lam lĕ rngôch Việt Nam - Nhật Bản yor đăp mpăn n’hanh têh ndrŏng ta châu Á n’hanh lam ntŭr neh” hao prêh mhe, ta nuih n’hâm “Tâm boh ndrel hăn, ndrel nta trong dơh, ndrel nsĭt geh, yor hun hao săk geh âk, ƀư tơm êng trong nchrăp têh jong n’hanh nsrôih ndôr êng”. Lôch jêh hăn khâl bah Tổng Bí thư, Kruanh dak Tô Lâm hŏ rgop khlay rdâk nâp tay n’hanh ƀư jru hvi lơn đŏng tâm boh Têh jong lam lĕ rngôch Việt Nam - Nhật Bản, rgum ntrŭt ntrôl tâm boh ngăn ngăn, lam lĕ rngôch ta ăp trong kan n’gâng tơm, nta tay trong dơh hun hao bah bar dak, nsĭt tay nău geh ngăn ngăn an ƀon lan n’hanh rgop an đăp mpăn, bah tâm lơh tâm su, têh ndrŏng bah nkual.