N’gâng kan ƀon lan nkre pă ntŭk gŭ, sa, pă ndơ dŏng n’hanh đă rmôt mât njrăng drăp ndơ, mô an nuĭh ƀon lan plơ̆ sĭt nkual klach rnôk mih dak lip mô hŏ rlău. Tĭng nĕ, ăp nkual an trơn geh: núi Một, núi Bà Hoả, Xóm Đăng, Xóm Đò n’hanh nkual Hải Minh.

Gay nuĭh ƀon lan đăp mpăn du dêr, n’gâng kan ƀon lan lĕ pă ntŭk trơn, nchrăp ndơ sông sa, dak ngêt, mung phôi n’hanh ndơ dŏng khlay. Ta năp nu nău mih têh mbra hôm geh nău jêr jŏt, phường Quy Nhơn lah êng, n’gor Gia Lai lah nsum, mât tay rmôt tahen măng nar, uănh nđôi nu nău trôk nar, uănh nđôi rjăp ăp nkual geh klach.