Nar 12/10, Rmôt K52, N’gâng kan ntĭm rđău Tahen n'gor Gia Lai kan nsum đah mpôl kan dơi kan phường An Nhơn Bắc lĕ rgum joi tay du nting tahen khĭt ta tổ dân phố Lộc Thuận.

Kơt nê̆, tâm rnôk hăn joi, Rmôt K52 lĕ rgum joi geh lĕ rngôch 3 nting tahen khĭt ndrel du đêt drăp ndơ kơt rse njao dù tahen, mbang ao, ƀap ntô rup lĕ ƀơ̆, mâng nchiht bi, net, ŭnh treh lŭ n'hanh grăp phao đại liên. Aƀaơ Rmôt K52 tâm rgop đah ăp mpôl kan ta ntŭk lŏ uănh nđôi, joi ta ăp ntŭk geh nău tât, mât đăp mpăn rnôk joi, rgum geh ƀư na nê̆, mô ntlơi nting tahen khĭt.