Ăp năm rlau aơ, Ngân hàng chính sách tâm ăp n’gor bah nkuăl Tây Nguyên hŏ ntrŭnh ƀư ăp nau kan ân manh, kơl an kônh wa rnoi mpôl đê̆ hun hao văng sa săk tam.

     Kơp tât lôch khay 3 năm 2025, lam n’gor Dak Nông geh 70.671 rnăk manh prăk Ngân hàng chính sách, đah rnoh manh bơi tât 4.800 rmen. Tâm nê, rlau 24 rbăn rnăk lah nŭih rnoi mpôl đê̆, đah rnoh manh rlau 1.655 rmen. Ăp rnăk kŏ geh dŏng tam. Rnăk wa K’Biêng, tâm ƀon Phai Kol Pruđăng, xã Dak Nia, nkuăl ƀon têh Gia Nghĩa, geh 2 ha neh. Rnăk geh manh 90 rkeh prăk tă bah Ngân hành chính sách gay ntuh kơl tăm tơm cà phê ndrel tiêu geh văng sa prêh:

   Năm aơ, rnơm geh klih cà phê 2,5 tât 3 tấn rnglay, ndrel n’ăp ma tiêu đŏng. Lôch tăch kŏ geh 200 tât 250 rkeh prăk/năm. Ăp nê kŏ rnơm manh prăk ngân hàng chính sách âk năm bah năp nê. Mhe aơ gâp hôm manh tay 12 rkeh gay khoan ntu, rvăt n’gâr dak, rnơm nê geh dak kloh ueh, n’hâm soan lĕ rnăk vâl geh đăp mpăn”.

Tât aƀaơ, lĕ rngôch tơm prăk bah Ngân hàng Chính sách xã hội ta n’gor Gia Lai geh 7.631 rmen prăk, hao 153 rmen prăk rđĭl đah bôk năm, tâm nê tơm prăk ngân sách ta n’gor geh 598 rmen prăk. Rmôt cán bộ an manh tơm prăk hŏ kan nsum lhăt đah cán bộ ăp mpôl kan chính trị-rêh jêng kon nuĭh, đah rmôt mpêt nkrem n’hanh manh tơm prăk ta ƀon lan nkual ƀon lan gŭ. Nơm geh kơt nê̆, ăp rnăk manh tơm prăk dŏng di nău kan. Bu ranh ƀon Ksor Biếc ta ƀon Rơng, xã Pờ Tó, nkuâl Ia Pa an gĭt.

“Ntơm nơh gâp manh tơm prăk bah ngân hàng gay rvăt ndrôk, gâp manh 30 rkeh prăk, lôch  nê rvăt 3 mblâm ndrôk. Lôch  5 năm ri gâp tăch ndrôk gay sŏk prăk trok tay an ngân hàng, n’hanh gâp hŏ trok lôch. Aƀaơ ri rgum hun hao wăng sa rnăk wâl dơm.”