Bâh ntơm rgŏ jă nău kan 7/7 tât aƀaơ, n’gor Đăk Lăk geh 53 nău kan, ntŭk kan tơm ta lĕ nkual mpeh luh nar n’hanh mpeh nhâp nar geh mbơh tơih ntrơn ntŭk gŭ. Tât aƀaơ, 3 nău kan lĕ geh ƀư lôch lĕ rngôch ntŭk kan, 50 nău kan geh ba dâng 90%. Tâm rnoh geh rlău 90% geh ăp nău kan têh kơt lah trong hăn têh Khánh Hoà- Buôn Ma Thuột geh 3 n’hanh nău kan ƀư trong neh dăch dak lêng Phú Yên...wa Phạm Ngọc  Hùng, groi Giám đốc ntŭk kan tuch tăm n’hanh mât ueh ntŭk gŭ rêh n’gor Đăk Lăk ntŭk kan ndrel rmôt kan way kan an gĭt, 5 rmôt kan yor UBND n’gor geh njêng lĕ ngăch doh rklaih âk nău jêr, ntoch jong âk năm. Nău kan ntrơn ntŭk gŭ rgâl njêng bâh ntơm kâp knơm jêng leo kan lor tĭng nău nchrăp, ntrôl ngăch pă jao nău kan n’hanh pă prăk kan geh tâm trok.