Ta năp nĕ, tâm rnôk ƀư mir wa Ksor Tân, deh năm 1980, gŭ ta ƀon Sơr, geh saơ du đê̆ nting geh năl lah nting tahen khĭt tâm lơh kăl e. Wa Tân lĕ geh mbơh đah rnâng kan leo kan tahen xã Ia Boòng n’hanh Đội K52 gay ma uănh năl. Lôch geh pơk hvi ta nkual joi, mpôl kan têh lĕ geh rgum joi tay 2 nting tahen khĭt tâm lơh ndrel đah du đê̆ ndơ dŏng. Kơt nĕ, kơp tât lơ 13/8, kanŭng du ƀlât dơm, Đội K52 lĕ geh rgum joi saơ 8 nting tahen khĭt tâm  lơh kăl e ta nkual ƀon Sơr, xã Ia Boòng. Aƀaơ, ăp nting tahen khĭt ndrel đah ndơ dŏng dôl geh Đội K52 mât prăp, kâp uănh năl, kơl an nău kan gĭt năl ntơ săk n’hanh ƀư tâp njor tĭng nău way.

Lơ (13/8), rmôt kan joi bah Ban ntĭm rđău ƀư tĭng “Nău kan 500 nar măng ntrôl dăng ƀư joi, rgum n’hanh năl nting mham tahen khĭt kăl e” ta lam phường Nam Nha Trang, n’gor Khánh Hòa, saơ du đêt nting ntôn lah nting tahen kăl e ta Bệnh xá (bệnh xá tâm trôm lŭ”, ta Nkual căn cứ địa cách mạng Đồng Bò. Bah năp nĕ, lơ 4/8, wa Nguyễn Văn Hưng, 65 năm deh gŭ Tổ dân phố Phước Tân, phường Nam Nha Trang, mbơh tât ngih pah kan dơi kan mpeh nău tă saơ du đêt nting ta nkual môch Bệnh xá rnôk hăn bri tă aơ rlău 20 năm. Bah nău mbơh aơ, rmôt cán bộ, tahen phường Nam Nha Trang ƀư âk nar joi tĭng nău ntĭm bah wa Hưng. Tât ôi 13/8, rmôt saơ du đêt nting têh, ntôn lah nting bah tahen kăl e. Nkual saơ lĕ dơi nchoeng n’gang, mât njrăng n’hanh mbơh gưl bah lơ gay ƀư năl, mkra tĭng nău ntrŭnh.