Ta rơh hop way nkô̆ tâl bar, HĐND n’gor Dak Lak khóa XI mhe uănh an dŏng Nghị quyết quy định rnoh ntop kơl đah nuĭh kan mô way leh ta thôn, tổ dân phố; nău mât nkre âk bôk kan n’hanh rnoh ntop kơl nkre mât bôk kan; ndrel quy định rnoh âk, mât bôk kan n’hanh rnoh ntop kơl đah nuĭh râng nău kan ta thôn, tổ dân phố ta n’gor.

Nghị quyết quy định, rnôk cán bộ, công chức, viên chức, nuĭh kan gưl xã mô lah nuĭh kan mô way leh nkre dơn ƀư âk bôk kan êng êng ƀư hŭch du đêt nuĭh tĭng quy định ri dơi geh 100% rnoh ntop kơl mô lah ntop kơl bah nău kan kơi mât nkre bôk nău kan; nkhêp nkre mât âk bôk nău kan ri dơn geh kơl ta du bôk mât kan i dŭt têh dơm. Prăk tĭng ƀư dơi ton geh ăp tŏng bah tơm prăk ngân sách Trung ương ndơ̆ klŭp n’hanh rnoh prăk ngân sách ta ntŭk. Đah nuĭh kan mô way leh ta thôn, tổ dân phố, rnoh ntop kơl dơi quy định tĭng ntil ntŭk kan. Na nê̆, Bí thư Chi bộ dơi geh sa hệ số 2,8 tơ̆ rnoh prăk khay tơm ta thôn, tổ dân phố ntil 1 n’hanh 2,5 tơ̆ ta ăp ntŭk hôm ƀa ƀă; Kruanh thôn, Kruanh rmôt tổ dân phố geh sa hệ số tâm ban đah 2,7 n’hanh 2,3; Kruanh Ban pah kan Mặt trận geh sa hệ số tâm ban đah 2,5 n’hanh 2,0 tơ̆ rnoh prăk khay tơm.