Ta rơh tâm nchră, 2 hê nuĭh leo kan lĕ tâm ban ŭch ndâk nsơm nău tâm knơm mpeh chính trị, hun hao lĕ rngôch nău tâm boh kan đah 2 dak bâh n’hao nău tâm mbơh kan, tâm mâp kan gưl têh n’hanh ăp gưl, ta lĕ ntŭk kan Đảng, ngih dak, Quốc hội n’hanh tâm nđur ƀon lan, bâh nĕ n’hao săk rnglăy ăp nău kan tâm mbơh kơl kan. Tổng Bí thư, Kruanh dak Tô lâm đă 2 ding an geh n’hao nău tâm rgop, uănh nđôi, mbơh tơih an săk rnglăy bôk nău pah kan mbơh tơih nău tâm boh kan nchră nău lĕ rngôch Việt Nam- New Zealand lvang năm 2025-2030. Bar hê nuĭh leo kan lah na nê̆ mbra n’hao tay nău tâm kơl kan tâm ăp nău ta nkual n’hanh lam ntur neh ndrel mât uănh ta âk rơh tâm mâp âk ding, ngăn lah LHQ.