Ƀon kon se SOS Đà Lạt aƀaơ dôl mât rong, mât chăm 46 kon se kon đơi, kon se geh ntlơi êng, kon se geh nău rêh dŭt jêr jŏt rnoh năm deh bah 5 tât 18. Ntoh măt rđău kan Đảng, Ngih dak ndrel rmôt kan ntoh măt Quốc hội n'gor Lâm Đồng, Chánh án Ngih phat dôih ƀon lan gưl prêh Nguyễn Văn Quảng rhơn Tết Trung thu, an nklâm ndơ ân ăp kon se, nkre ŭch ăp kon se wơt du Tết Trung thu ueh lăng, hơm răm ndrel lah du nău nsôih gay ân ăp kon se lăp tâm năm nti mhe 2026- 2027 đah âk nău dơi mhe.