Ta rơh tâm nchră, bar ding rnê âk tâm boh Việt Nam – Lào hun hao uĕh, lam lĕ rngôch; tâm ban ŭch ƀư jru hvi lơn nău hôr tâm trôm “nkre krêp dêh têh jong”, n’hao dăng tâm boh njrăng n’gang neh dak, rnă njrăng, nkre njêng đăt ndal tâm wăng sa, tăch rgâl n’hanh ntuh kơl.

Tâm 7 khay bôk năm aơ, Việt Nam geh 20 trong nchrăp ntuh kơl ta Lào đah lĕ rngôch tơm prăk đăng ký rlău 638 rkeh USD, hao 4,2 tơ̆ rđĭl đah ndrel khay dja năm 2025. Bar ding tâm ban ŭch ntrŭt ntrôl ăp trong nchrăp rgum tơm, n’hao dăng tâm boh ntĭm nti, văn hóa, pâl nđaih n’hanh tâm nđŭr ƀon lan. Tâm rơh hăn khâl, Groi Thủ tướng Rnâng kan Phạm Gia Túc khâl ăp ntŭk rdâk njêng tâm boh tâm rnglăp ta Thủ đô Vientiane, tâm nê geh trong mât ntŭk ƀon lan gŭ, Ntŭk rgum Rđău đă mât rnă njrăng Bộ Công an Lào, Công viên Hữu nghị Lào – Việt Nam n’hanh ntŭk nchrăp rdâk njêng Nhih nti Đại học Hữu nghị Lào – Việt Nam.