Nchroh, mih tât krit nji tay, lơn lah đah 32 xã, phường geh ma nău dak bŭk, pĭch rlâm neh hô. Bah năp nô nău dja, n’gâng kan ăp ntŭk tâm n’gor dôl lor nchrăp an ƀư ăp trong rdâng lơh, đăp mpăn an nuĭh ƀon lan.

Tĭng nău rđău đă bah UBND n’gor Lâm Đồng, mpôl kan dơi kan ta 124 xã, phường, đặc khu tĭng groi nđôi tay lhăt nău tât bah trôk nar lơh, ra uănh tay ăp nkual rđŭng dêh, meng dak me, dak diăng n’hanh ăp ntŭk geh ma nău pĭch rlâm gay năn ngăch nkra lơh. Ta ăp ntŭk hŏ geh ndâp băm, pĭch rlâm kơt Quảng Sơn, D’ran n’hanh Cát Tiên 3, mpôl kan dơi kan hŏ tâm pă mpôl gŭ kâp njrăng, mô an nuĭh ƀon lan hăn lăp tât ntŭk klach rvê, nchrăp ndeh rklư kơl nuĭh geh nău tât rmoh rmanh. Êng xã Cát Tiên 3 mhe ntrơn 25 rnăk luh bah nkual geh băm dak bŭk.