Tĭng nĕ, Chính phủ dôl đă 20 nkô̆ nău mbơh an Quốc hội uănh mĭn tay, mbơh an. Kruanh Quốc hội Trần Thanh Mẫn an gĭt, bah aƀaơ tât dŭt năm, rnoh nău kan n’gluh an đah Quốc hội, Ủy ban Thường vụ Quốc hội, Chính phủ n’hanh ăp ngih pah kan geh tât lah dŭt têh.

Lơn lah ăp nău kan ndâk njêng pháp luật tĭng nuih n’hâm Rƀŭn nchră mbơh ƀư trong nchrŏng ndâk njêng pháp luật năm kan Quốc hội khóa 16 n’hanh trong kan nchrăp an ăp Rơh rƀŭn êp tât. Lah rjăp bah aƀaơ tât dŭt năm, bah meng trong kan ndâk njêng pháp luật hôm âk nău kan khlay mpeh groi nđôi n’hanh tâm rnglăp bah dih nghị viện, tâm nĕ geh nău ƀư rƀŭn nchră Pháp luật n’hanh rƀŭn nchră bah Quốc hội mpeh nău ƀư groi nđôi năm 2026 tâm 9 khay, Kruanh Quốc hội đă ăp ngih pah kan tĭng bôk nău kan, rdâk njêng ƀư tĭng dŭt n’hâm, săk rnglăy.