Đại hội lĕ mbơh an Nghị quyết, mĭn lah 13 rnoh an ƀư, 5 nău kảngal mhe; 7 Bôk nău kan, Bôk nău rgop an tâm nchră khlay ƀư tĭng tâm năm kan 2026-2031. Du nău mhe geh nkô̆ nău nchrŏng trong bah năm aơ aơ lah Đại hội mĭn lah mbơh ƀư ntrong leo “Druh ndăm Việt Nam hăn lor tâm rach năm mhe”, jêng n’hâm soan dâk hao têh dăng nuih n’hâm hăn lor, mĭn ƀư mhe n’hanh mpŏng ŭch nsơr soan bah druh ndăm.

Đại hội mĭn lah đŏng mbơh ƀư bôk nău kan “Hun hao lĕ rngôch druh ndăm Việt Nam” nti, hun hao nău mĭn; hun hao, tiăr nti săk soan; n’hao nău rêh văn hóa nuih n’hâm. Đah nuih n’hâm “Janh dăng hao êng-Hăn lor mĭn ƀư mhe-Mpŏng ŭch nsơr soan-Ƀư tơm nău rêh rgŏ năp”, Đại hội kuăl jă lĕ rngôch ăp gưl bộ đoàn, lĕ rngôch đoàn viên druh ndăm Việt Nam tâm dak n’hanh dak bah dih wât kloh nău ƀư, lĕ đah nău kan; mât na nao têh dăng nuih n’hâm rŏng dak, mpŏng ŭch hun hao, nuih n’hâm mpư ryơk rnoi nuĭh, nău khlay văn hóa kon nuĭh Việt Nam, dŭt n’hâm bah druh ndăm gay ndăn mbơh ƀư ăp nkô̆ nău lĕ dơi Đại hội mbơh an, jêng jâng nsan nchrăp lor an du năm kan mhe đah âk nău dơi mhe.