Lơ 10/3, n’gor Dak Lak ƀư nau nkah 50 năm nar dơi rklaih Buôn Ma Thuột, rklaih n’gor Dak Lak. Jêh 50 năm rklaih đăp mpăn, ntơm du n’gor gôl yôk ach o, văng sa mô nâp, Dak Lak hŏ jêng n’gor geh dơi, tơm kan văng sa, chính trị bah nkuăl Tây Nguyên. Văng sa bah n’gor geh rnoh hun hao đăp mpăn, tâm 10 năm ma aơ geh 6,15%/năm. Nau văng sa lơn ma pơk hvi ndrel hun hao, tât năm 2024 dâk bôk năp Tây Nguyên, dâk tal bar nkuăl Duyên hải miền Trung ndrel Tây Nguyên. Ntoh nau tâm nar nkah 50 năm lơh dơi rklaih Buôn Ma Thuột, Groi Thủ tướng Chính phủ Trần Hồng Hà đă n’gor lŏ ƀư ueh nau kan tơm bah hun hao văng sa, geh nthoi ma nkuăl Tây Nguyên tâm ăp nau kan.

Tâm nê, ndâk nkuăl ƀon têh Buôn Ma Thuột ngăn lah đô thị tơm, lah mpông trong nkuăl Tây Nguyên, tâm rnglăp văng se têh, lah nkuăl ndrih, ueh, blau mhe, âk nau ơm, leo trong tât đô thị ma tâm nê geh nau ơm ndrel nau mhe. Groi Thủ tướng ŭch ndrel rnơm tâm Đảng bộ, n’gâng kan, ƀon lan ndrel ăp rnoi mpôl tâm n’gor ƀư ueh nuih n’hâm dơi bah Buôn Ma Thuột dăng, lăp tâm rach năm mhe, hun hao, hơm răm ndrel ueh lăng./.