Ta rơh rƀŭn nchră, n’gor Đăk Lăk mbơh rnoh săk ăp trong kan an lor geh âk ntuh kơl, rgum ta tuch tăm công nghệ mhe n’hanh nkret ƀư na nê̆, công nghiệp nkret ƀư- nkra njêng, ŭnh nar mhe njêng tay, logistic n’hanh âk nău kan. UBND n’gor Đăk Lăk lĕ geh pă nău ntrŭnh an dŏng nău ntrŭnh ntuh kơl an 25 nău kan, đah lĕ rnoh prăk ntuh kơl rlău 40.290 rmen prăk. N’gor lĕ geh  ký nău kahgĭt tâm kơl kan đah 78 nuĭh ntuh kơl, geh lĕ rnoh prăk mbơh dăn bôk năp rlău 1 rkeh rmen prăk. Ntoh ngơi ta rơh rƀŭn nchră, Đại tướng Phan Văn Giang, kruanh n’gâng kan mât rnă njrăng ngih dak lah na nê̆, nău mbơh nău kan n’hanh geh nău khlăy ngăn đah nău hun hao bâh Đăk Lăk ta rơh mhe. Chính phủ knơm Đăk Lăk mbra geh dŏng ueh ăp nău kan n’hanh nău dơi an geh njêng nău nsrôih gay ma hun hao mhe, n’hao nău dơi ueh kan, nău dơi tâm rlong bâh n’gâng kan wăng sa.