Ntoh lư, kon se nti Dak Lak geh 114 giải ta Rơh tâm rlong săch kon se nti blău gưl neh dak THPT, geh 3 giải Nhất, 21 giải Nhì, 34 giải Ba n'hanh 56 giải Khuyến khích. Aơ lah nău dơi dŭt âk bah ntơm tât aƀaơ, ndơ̆ Dak Lak dăp tal 12 tâm 34 n'gor, nkual ƀon têh. Ta Rơh tâm rlong Khoa học - Kỹ thuật gưl neh dak, kon se nti bah n'gor geh 1 giải Nhì, 1 giải Ba n'hanh 3 giải Tư. Bar nău nchrăp ƀư "Ƀư njêng ndơ dŏng sinh học ntĭt mpơl bah ntô sầu riêng" n'hanh "Ndâk nsơm rnoh mbrô rup ndah drăp ndơ ơm yău ntlơi an tay văn hóa, rgum nchih mât prăp nău lư pơk sŏng dăng" hôm geh Huy chương Vàng WICO 2026 ta Seoul, Hàn Quốc. Di rơh aơ, n'gor rnê rhơn ăp kon se nti n'hanh nai ntĭm na nê̆ ntĭm nti kon se geh giải.