Lah ta rơh pah kan, Tổng Bí thư, Kruanh dak rnê âk nău ŭch ndơ̆ Học viện tât năm 2030 lăp tâm rmôt 5 nhih nti dâk bôk năp mpeh ntĭm nti công nghệ ta Việt Nam, tĭng kơn jêng “bôk rngok kỹ thuật - công nghệ” bah mpôl Công an ƀon lan. Tổng Bí thư, Kruanh dak dăn đă Học viện rgum rgâl mhe bôk nău kan, trong ntĭm nti; n’hao âk kơt dŏng ngăn, rlong ƀư ngăn, trong ntĭt leo; ntrôl âk gŭ mĭn, kơt dŏng n’hanh ndơ̆ rgâl công nghệ, nkre đah nău ŭch mât đăp mpăn rnă njrăng, rĭng grep, rgâl mbrô n’hanh rdâk njêng công nghiệp rnă njrăng.