Lvang năm 2026-2030, bar ding tâm ban ŭch n’hao dăng tâm boh ta ăp trong kan tăch rgâl, ntuh kơl, tuch tăm, pâl nđaih, ntĭm- nti, hun hao tơm nuĭh kan, văn hóa – rêh jêng kon nuĭh n’hanh rnă njrăng.

Tâm nê, bar n’gor mbra n’hao dăng buăt nthoi doanh nghiệp, ntrŭt ntrôl ngăch tăch rgâl, ntuh kơl, tâm pă nău tă ơm gĭt kan tuch tăm, nkret njêng ndơ tuch tăm n’hanh rdâk njêng ăp ndơ geh ƀư pâl nđaih nsum. Dak Lak n’hanh Champasak nsrôih n’hao rnoh khlay tăch rgâl – rhŏ dŏng bar ding hao 15-20% ăp năm n’hanh ntrŭt ntrôl njăr trong hăn ntơm bah 5-10 trong nchrăp ntuh kơl tâm 5 năm. Wa Nguyễn Thiên Văn, Groi kruanh UBND n’gor Dak Lak, an lah nău pơk hvi tâm boh wăng sa mbra njêng tay suan ntrôl an tâm boh đah bar n’gor.