Tâm rnôk hăn khâl, Mpôl hŏ geh ăp rơh mâp, pah kan đah Rmôt Nghị sĩ Hữu nghị Brasil - Việt Nam; Hội Hữu nghị Brasil - Việt Nam; Đảng Cộng sản Brasil n'hanh Đảng Lao động Brasil. Pah kan đah Rmôt Nghị sĩ Hữu nghị Brasil - Việt Nam, bar ding tâm ban ŭch an lah Việt Nam n'hanh Brasil geh âk săk geh, dơh uĕh gay ntop kơl nsum. Tâm nchră mpeh tâm boh wăng sa, bar ding an lah nău dơi geh mô hŏ tâm di đah nău geh n'hanh nău way tâm boh Tâm boh têh jong. Đồng chí Lê Hồng Quang dăn đă Quốc hội Brasil, lơn lah Rmôt Nghị sĩ Hữu nghị Brasil - Việt Nam, ntop kơl ƀư lôch jêh trong pháp lý, nta trong dơh an doanh nghiệp bar dak ntuh kơl, tăch rgâl; ntrŭt ntrôl tâm boh tâm ăp trong kan tuch tăm công nghệ mhe, công nghiệp nkret njêng, ŭnh nar sĭt jêng tay, rgâl mbrô, khoa học - công nghệ, logistics n'hanh ntĭm nti tơm nuĭh kan.