Rơh uănh nđôi, groi uănh rgum tâm 3 rmôt nkô̆ nău: trong kan rđău đă, ntĭm rđău, ƀĭt joet ăp trong nchrăp, nău ntrŭnh bah Trung ương mpeh trong kan cán bộ; lôch jêh ƀư tĭng trong kan cán bộ n'hanh groi uănh lôch jêh ƀư tĭng nău ntrŭnh uănh nđôi, groi uănh rơh 1, rơh 2. Ntoh ngơi ta rơh rƀŭn nchră, wa Nguyễn Thanh Nghị uănh năl Ban Thường vụ N'gor ủy Dak Lak lĕ nchrăp mbơh tơih tơm khlăy tĭng nău ŭch, geh saơ nău dơi, nău mô dơi n'hanh dăn đă tâm nău kan cán bộ. Wa lah na nê̆ nkô̆ mpŏng kan khlăy bâh rơh uănh nđôi, uănh năl lah ngăch saơ, rgâl mhe ăp nău mô dơi, nău ê hŏ dơi ƀư, rdâk njêng mpôl cán bộ tâm di đah nău ŭch geh tâm nu nău mhe.