N’gor Dak Lak dôl ntrŭt đă ƀư ngăch trong meng dak lêng. Tât aƀaơ, trong nchrăp hŏ jao rlău 90% neh soih. Yơn lah, tĭng ƀư “Trong kan 45 nar măng” mô hôm âk, n’gor dôl đă ăp ntŭk, ăp n’gâng kan ndăn ngăch droh rklaih ăp wăk kol, đăp mpăn mô khuch tât rnoh ngăch ƀư.

Nchrăp ƀư trong meng dak lêng n’gor Dak Lak jong rlău 25 km, lĕ rngôch rnoh ntuh kơl nklăp 3.800 rmen prăk, ân sŏk mplơ̆ nklăp 125 ha neh bah rlău 1.500 rnăk ƀon lan. Tât aƀaơ, ăp ntŭk hŏ ndơ̆ jao rlău 21 km, tâm ban đah nklăp 114 ha, geh rlău 90% rnoh hvi neh ân sŏk mplơ̆. Ôp uănh rnoh ngăch ƀư 17/8, Groi Kruanh rnâng kan UBND n’gor Dak Lak Hồ Thị Nguyên Thảo đă ăp n’gâng kan bah lơ n’hanh tâm dâng ta n’gor ndăn ngăch ƀư lôch jêh gâl kan dơi jao; rgum nkra ăp wăk kol, n’hao dăng kan nsum, mô an geh nău tâm nje kan ƀư mbrơi trong nchrăp.