Jrô kơi năp nti, rƀah gĭt nău lư ƀư ntơm bah nar 17/8/2026 đah nău tât râng bah 63 nuĭh nti lah ăp Ủy viên Ban Chấp hành Trung ương Đảng. Jrô nti gay rƀah gĭt ăp nkô̆ lý luận, ngăn ngăn dŭt mhe, n’hao nău dơi rđău kan, mât uănh an rmôt cán bộ gưl têh jong bah Đảng tâm rơh mhe.

Tổng Bí thư, Kruanh dak Tô Lâm lah kloh, jrô kơi năp nti dơi ƀư tâm năm lor bôk năp an ƀư Nghị quyết Đại hội XIV bah Đảng. Nău kan n’glêh an aƀaơ lah leo tĭng ƀư: ƀư trong nchrăp jêng bôk nău kan geh nău dơi, dâk kan ăp kôp n’hanh lôch jêh ngăn ngăn; ƀư an nău mĭn bah Đảng rgâl jêng hun hao bah neh dak n’hanh nău rêh uĕh lăng lơn bah ƀon lan. Tổng Bí thư, Kruanh dak lah rjăp, ăp nuĭh nti mô dơn êng rđău kan êng du n’gâng kan, trong kan mô lah n’gor, ma hôm lah nuĭh tâm Ban Chấp hành Trung ương- nhih pah kan rđău đă dŭt têh bah Đảng đah bar rơh Đại hội. Yor kơt nê̆, ân mĭn rvê têh hvi lam dak, dâk kan yor ma nău geh nsum, ndrel Trung ương dơn nău kan bah năp Đảng, bah năp ƀon lan mpeh ăp n’glêh an khlay n’hanh nău rêh neh dak let năp tay.