Bah điện thoại knŭng dŏng gay ma kuăl, wa H'Bé Êban, ta ƀon Tah B, xã Cuôr Đăng, n'gor Dak Lak, aƀaơ lĕ gĭt uănh joi nău lư but uănh, săm ji bảo hiểm y tế n'hanh ƀư du đêt sam ƀŭt hành chính trực tuyến. Nău rgâl ntơm bah ăp rơh cán bộ ƀon tât ta jay ntĭm, kơl wa gĭt đah công nghệ. Ƀon Tah B, xă Cuôr Đăng, n'gor Dak Lak geh rlău 340 rnăk ƀon lan, tâm nĕ rlău 90% lah nuĭh rnoi mpôl đêt. Nkô̆ nău nău ngơi n'hanh nău mĭn rwê công nghệ ƀư mô đêt nuĭh mâp jêr rnôk tât đah ăp ứng dụng mrô. Nuĭh kan bah Rmôt Công nghệ mrô ntŭk gŭ rêh tât ăp jay, ntĭm đah nău ngơi Êđê n'hanh na nê̆ ƀư ta điện thoại bah nuĭh ƀon lan. Yuh H'Gói Niê, Kruanh Rmôt Công nghệ mrô ntŭk gŭ rêh ƀon Tah B an gĭt:"Nơm hăn tât ăp rnăk ntĭm nti kônh wa dŏng điện thoại, pơk dŏng VNeID, njuăl mật khẩu, mrô điện thoại n'hanh ƀư ăp njuăt ƀư samƀŭt trực tuyến. Nơm ntĭm nti gay kônh wa ƀư êng dơi, nkre nkoch trêng gay ăp nuĭh gĭt jêh aơ tay âk samƀŭt dơi ƀư dâl ta điện thoại".

Nău nsrôih n'hanh lĕ nuih n'hâm bah ăp rmôt công nghệ mrô dôl rgop rgâl trong tât đah nău lư, ƀư ăp sam ƀŭt hành chính n'hanh jêng nău bên dŏng ăp ndơ dŏng mrô. Wa H'Kơm Êban, kruanh ƀon Tah B, uănh năl: "Kônh wa tâm ƀon lĕ gĭt dŏng điện thoại thông minh, pơk dŏng VNeID, koch mã QR, trok prăk điện tử n'hanh ƀư sam ƀŭt hành chính trực tuyến. Mô dơn tât đah công nghệ, nuĭh ƀon lan hôm tĭng kơn mkra êng ăp nău kan bah năp đaơ an đă nuĭh êng ntop kơl."

Bâh ntŭk kan bah dâng, nău kan "Ƀon lan nti mrô" dôl geh mbơh ƀư lam hvi ta Dak Lak. Rlău 2.000 ntŭk kan Công nghệ mrô ntŭk rêh jêng đah bơi tât 12.000 nuĭh kan lĕ geh njêng, kơl an nuĭh ƀon lan tât dŏng nău kan trực tuyến, trok prăk mô dŏng prăk măt n'hanh ăp nău kan mrô khlăy. Wa Bùi Thanh Toàn, Giám đốc ntŭk kan khoa học n'hanh công nghệ n'gor Dak Lak an gĭt, nău tât râng bâh ăp ntŭk kan công nghệ mrô ntŭk rêh jêng, dôl ntop n'hao nău dơi mrô bâh ƀon lan: “Rgâl mbrô lor bôk năp ân ntơm bah nău rgâl mhe nău mĭn, trong mĭn n'hanh trong ƀư. Rơh rlău aơ, rmôt kruanh rđău kan ta ntŭk ndrel ăp nuĭh geh nsing nơm ta ntŭk lĕ na nê̆ râng, rêng hvi trong leo ƀư "Ƀon lan vụ mbrô" tă bah puăn trong ntĭt leo: xă mbrô, phường mbrô, thôn/ƀon mbrô n'hanh ƀon lan mbrô. Ăp ntŭk nchrăp lor ndơ̆ ăp trong mkra mbrô lăp tâm nău kan mât uănh n'hanh nău rêh, njêng jâng nsing an rgâl mbrô bah n'gor tâm let năp tay".