Ntoh lư ngăn lah nău kan Ngih máy nkret ƀư cà phê ŭnh nar bâh Tập đoàn Trung  Nguyên Legend đah lĕ rmoh prăk ntuh kơl klâp ma 2.200 rmen prăk. Nău kan geh mpŏng jêng rmôt kan nkret ƀư cà phê têh ngăn, dŏng công nghệ mhe, ntop n’hao nău khlăy găr cà phê Buôn Ma Thuột n’hanh ntrôl an hun hao công nghiệp nkret ƀư nău kan na nê̆. Ndrel nar, ta nkual công nghiệp Hoà Hiệp, 3 ngih máy ƀư đah lĕ rnoh prăk ntuh kơl 770 rmen prăk lĕ geh ntơm ƀư, geh ngih máy nkret ƀư ndơ tâl klŏng, ƀư phân poh n’hanh ndơ rơmok, ndơ nkra neh rdeng ndơ. Nău mbơh ƀư tâm ban ăp nău kan mô dơn nta nău nsrôih an hun hao mhe ma hôm nha lah na nê̆ nău ueh bâh ntŭk ntuh kơl ta ntŭk, ntop n’hao nău dơi rgâl mhe ueh nău kan wăng sa n’hanh hun hao công nghiệp nâp nâl.