Groi kruanh Quốc hội, Thượng tướng Nguyễn Doãn Anh ndrel đah ăp đại biểu bâh ăp n’gâng kan, ntŭk kan trung ương râng rơh vơt ta môch tâp tahen khĭt tâm lơh ta n’gor Đăk Lăk. Tĭng rnâng kan leo kan mpeh nău joi, rgum n’hanh uănh năl ntơ săk nting tahen khĭt n’gor Đăk Lăk, lôch bơi tât 7 khay bĭch ta bri, gŭ ta dak ta n’gor Mondulkiri, dak Campuchia, cán bộ, tahen Đội K71 lĕ geh joi saơ, rgum n’hanh leo sĭt 27 nting tahen khĭt tâm lơh kăl e sĭt dak nơm. Aơ lah ăp nting tahen khĭt ê hŏ năl săk. Đaị tá Đinh Văn Hưng, Chính uỷ Bộ Chỉ huy Quân sự n’gor Đăk Lăk an gĭt, nău geh aơ lah nău nsrôih dŭt têh bâh cán bộ, tahen mpôl kan tahen n’gor, ngăn lah Đội K51 tâm nău nkual neh jêr, rnoh nău mbơh lơ ma đê̆.